Advertisement
Võro Keele Nätäl 2026 nõst mi keele ja kultuuri püüne pääle, toukas inämb uman keelen kõnõlõma.Kutsumi 2.–7. klassi opilaisi võro keele nädälil ettelugõmisõ pääväle „Kullõ, ma loe sullõ!”, miä toimus 6. novvembril kell 10 Võromaa Keskraamadukogo latsiosakunnan.
Hää olõs saia latsi ütenlüümisest teedä ildamba 3. novvembril ([email protected]). Pankõ kirja opilasõ nimi, klass, kuul, teksti päälkiri ja autor.
Pallõmi ettelugõjal proosapala inne koton/koolin vällä valli ja ku vaia, ka lugõmist harjota. Hää oppaja, latsi avitaja, rehkendäge teksti vällävalimisõ man tuuga, et ettelugõminõ ei võtas üle 3 minodi! Vähämb või iks minnä. Säänest aopiiri om vaia tuuperäst, et kullõja är ei väsüsi. Ku meeleperäline tekst om liiga pikk, sis piäs tuud kuigi lühkümbäs tegemä (mõni lõik vällä jätta vms).
Teksti või esi vällä otsi, a mi soovitus om võtta lugõmispala mõnõst võrokiilsest Tähekesest vai „Mino Võromaa” kogomikust. Raamatit saati lainada raamadukogost ja ka Võro Instituudist. „Mino Võromaa“ kirätöie võistlusõ perämädse ütsä aasta parõmba tüü omma Võro instituudi kodolehe wi.ee pääl (Oppus – Koolioppus – Mino Võromaa). Ettelugõmisõ pääväle tulõ raamat vai tekst hindäl üten võtta.
Ettelugõjit kullõs häätahtlik kirändüssõpru kogo. Lugõmist hinnatas katõn vannusõrühmän: 2.–4. ja 5.–7. klass. Kõik ütenlüüjä saava tenokirä ja parõmba ka väiku avvuhinna.
Inämb teedüst saa telefoni 5117348 päält (Kadri G Laube).
Advertisement
Event venue
Tartu 48, 65609 Võru, Estonia, Tartu 48, Võru, 65609 Võru Maakond, Eesti, Tartu, Estonia
Tickets
Concerts, fests, parties, meetups — all the happenings, one place.
Discover more events by tag
Education in TartuLanguage in TartuKids in TartuBooks in TartuLiterary-art in TartuPerformances in Tartu