Advertisement
Vi inviterer igjen til ein smakfull tur i Nordhordland laurdag 7.november – denne gongen med besøk hos Strilasmak i Knarvik og Slettevollen gardsysteri i Brekke i Gulen.På turen får du møte lokale produsentar, høyre historiene bak maten, handle lokale godsaker og prøve deg som ystar. Strilasmak er ein nyopna butikk for lokal mat og drikke i Nordhordland, her vil de møte Sissel bak konseptet og Elise som er produsent – som baker bollar, brød og rundstykke med økologiske ingrediensar. Turen tar oss vidare til Slettevollen gardsysteri, kor vi får alle delta så smått i produksjonen av mozzarellakuler, omvising på garden og enkel lunsj med fersk mozzarella.
Praktisk informasjon:
•Når: Laurdag 07.11.2026
•Tid: Kl. 10.30–15.15
•Oppmøte: Strilasmak, Kvassnesvegen 31, 5914 Isdalstø
•Transport: Eigen bil, eller samkøyring med andre. Det er om lag 1 time og 15 minutt med bil frå Knarvik til Slettevollen gardsysteri.
•Mat: Nistepakke frå Elises heimebakst kjøpt på Strilasmak: kr 200. Inneheld sandwich med godt pålegg og kanelknute. Betaling med Vipps hos produsent.
•Workshop/demonstrasjon og enkel lunsj hos Slettevollen gardsysteri: kr 650 per person. Dette inkluderer lunsj med mozzarella, og du får vere med å lage eigne mozzarellakuler som du kan ta med deg heim. Betaling med Vipps hos produsent.
•Tal deltakarar: Maks 20 personar.
•Klede: Ta på reine klede. Unngå ull og lodne plagg av omsyn til hygienen i ysteriet. De får hårnett, kappe og skopose når de arbeider i ysteriet.
•Påmeldingsfrist: 3.november
Arrangementet er gratis, men deltakarane betaler for mat og workshop sjølve. Turen er open for alle matglade folk, og er særleg relevant for medlemmar i Slow Food Bergen og Smak av Nordhordland.
Velkomen!
Program for dagen:
Kl. 10.30 – Oppmøte hos Strilasmak. Adresse: Kvassnesvegen 31, 5914 Isdalstø
•10.30: Velkomen ved Smak av Nordhordland og Slow Food Bergen
•10.45: Sissel Eide frå Strilasmak fortel om konseptet bak den nye lokalmatbutikken. Vi får også møte Elise Bastensen Dale frå Elises hjemmebakst, som deler historia om det å bake med økologiske ingrediensar. Den gode baksten hennar er no å finne i hyllene hos Strilasmak. Her blir det høve til å kjøpe nistepakke og andre lokale godsaker før vi reiser vidare.
•11.30: Avreise til Slettevollen gardsysteri
•12.45: Ankomst Slettevollen gardsysteri
•12.45: Gruppe 1 lagar mozzarellakuler i ysteriet. Gruppe 2 får omvising på garden.
•13.30: Gruppe 2 lagar mozzarellakuler i ysteriet. Gruppe 1 får omvising på garden.
•14.15: Enkel lunsj i ysteriet
•15.15: Avslutning og heimreise
Advertisement
Event venue
Strilasmak, Kvassnesvegen 15, 5914 Isdalstø, Norge, Bergen, Norway
Tickets
Concerts, fests, parties, meetups — all the happenings, one place.
Discover more events by tag
Food-drinks in BergenAgriculture in BergenTravelling in BergenEntrepreneurship in BergenWorkshops in BergenFood-trucks in BergenCooking in BergenParties in Bergen