Advertisement
Pedro Gunnlaugur Garcia (f. 1983 í Lissabon) er rithöfundur og þýðandi af íslenskum og portúgölskum uppruna. Hann verður gestur Leslyndis 4. nóvember. Pedro Gunnlaugur vakti fyrst athygli árið 2019 með skáldsögunni Málleysingjarnir, sem hlaut Nýræktarstyrk Miðstöðvar íslenskra bókmennta og var lofuð af gagnrýnendum fyrir frumlegan stíl og óbeislaða frásagnargleði. Árið 2022 sendi hann frá sér skáldsöguna Lungu, fjölskyldusögu sem spannar margar kynslóðir, lönd og tímabil, en hún hlaut Íslensku bókmenntaverðlaunin og hefur verið þýdd yfir á sjö tungumál.
Í verkum sínum tekst Pedro Gunnlaugur á við fjölskyldutengsl, ástir, sjálfsmyndir og minningar, gjarnan með töfraraunsæjum blæ og fjörugu ímyndunarafli. Samhliða ritstörfum hefur hann lagt stund á bókmenntaþýðingar úr portúgölsku og ensku, og hefur m.a. þýtt verðlaunaskáldsöguna Jerúsalem eftir portúgalska rithöfundinn Gonçalo M. Tavares, gest Bókmenntahátíðar í Reykjavík árið 2023, og ljóðabókina Eignatal eftir brasilísku skáldsöguna Francescu Cricelli. Pedro Gunnlaugur leggur nú lokahönd á sína þriðju skáldsögu, sem ber vinnuheitið « A ».
------------------------------------
Leslyndi hverfist um yndislestur og uppáhaldsbækur. Þjóðþekktir bókaunnendur stíga á stokk og deila eftirlætishöfundum og bókakveikjum með gestum. Ævintýri og ástarsögur, dagbækur og draumráðningar, sígildar sögur og samtímaverk; orðið er frjálst.
Viðburðaröðin hefur notið mikilla vinsælda og skapað sér fastan sess undanfarin misseri, þegar fólk flykkist að til að sjá hina ýmsu rithöfunda deila með okkur sínum uppáhaldsbókum.
Aðgangur er ókeypis og öll eru hjartanlega velkomin á meðan húsrúm leyfir.
Viðburðurinn er styrktur af menningar- og mannlífsnefnd Kópavogsbæjar.
Advertisement
Event venue
Bókasafn Kópavogs, Hamraborg 6A,Kópavogur, Kopavogur, Iceland
Tickets
Concerts, fests, parties, meetups — all the happenings, one place.