Advertisement
Fyrsta rannsóknarkvöld vetrarins verður fimmtudaginn 29. október klukkan 20:00 í fyrirlestrarsal Eddu. Þá mun Heimir Freyr Viðarsson, lektor við Menntavísindasvið HÍ, flytja erindið „Helga M. Novak og íslenska bókmenntasenan: Úr greipum Austur-Þýskalands yfir á Mokka“ Í erindinu verður fjallað um ótrúlegt lífshlaup hinnar austurþýsku Helgu M. Novak (1935-2013), öðru nafni María Karlsdóttir, með áherslu á tengsl hennar við íslenska rithöfunda og skáld. Helga bast listamönnum á borð við Dag Sigurðarson, Ástu Sigurðardóttur og Guðberg Bergsson nánum böndum og verður þessum kynnum hennar gerð skil með hliðsjón af verkum Helgu, einkaskjölum og fyrri rannsóknum. Lýsingar Helgu á samvistum við Dag og ekki síst vinasamband hennar við Ástu eru allt í senn persónulegar og nöturlegar, og Guðberg, sem hún mat mikils, enda tók hún fljótt til við að þýða hann á þýsku. Dregnar verða upp svipmyndir úr lífi Helgu með austurþýsku leyniþjónustuna Stasi á hælunum og hvernig lífið á Mokka Kaffi í Reykjavík um og upp úr 1960 leysti eitthvað úr læðingi hjá þessum eilíft flögrandi farfugli sem (jafnan) óttaðist ekkert og neitaði að láta fanga sig. Flutt verður ljóð sem Helga orti um Ástu Sigurðardóttur, ásamt því að birt verða hnýsileg brot úr einkaskjalasafni Helgu sem varpa ljósi á líf hennar og persónu.
Að venju verða umræður í lokin ásamt léttum veitingum.
Sama kvöld fer jafnframt fram aðalfundur Félags íslenskra fræða klukkan 19:00. Á dagskrá eru hefðbundin aðalfundarstörf.
Verið öll hjartanlega velkomin!
Advertisement
Event venue
Arngrímsgata 5, 107 Reykjavíkurborg, Ísland, Arngrímsgata 5, 107 Reykjavíkurborg, Ísland, Reykjav, Iceland
Tickets
Concerts, fests, parties, meetups — all the happenings, one place.