Advertisement
Elín Ósk mun fara yfir farinn veg, 40 söngárin sín, en í október 1986 söng hún sitt fyrsta óperuhlutverk, Toscu úr samnefndri óperu eftir Puccini við Þjóðleikhúsið aðeins 25 ára gömul.Hún fékk fádæma góða gagnrýni dagblaðanna. Mbl/Jón Ásgeirsson skrifaði m.a.: „Elín komst ekki aðeins vel frá verki heldur bókstaflega sló í gegn og hafði full tök á bæði leik og söng.“
DV/Eyjólfur Melsted skrifaði: „Dramatískan sópran á borð við Elínu Ósk hefur okkur bæði dreymt um og vantað um nokkurt skeið. Það er hrein unun að heyra hvernig hún nýtir sér sitt stóra raddsvið og sú er ekki í vandræðum að keyra í dýptinni.“
Síðan hefur Elín Ósk komið víða við á söngsviðinu og heillað áheyrendur og gagnrýnendur dagblaðanna með dramatískum tilþrifum og fíngerðum veikum tónum sem einnig er hennar sérsvið og fengið mikið hól fyrir.
Elín Ósk var útnefnd Bæjarlistamaður Hafnarfjarðar 2006 og árið 2009 hlaut hún riddarakross hinnar íslensku fálkaorðu fyrir framlag sitt til íslenskrar tónlistar og menningarlífs. Árið 1995 var hún tilnefnd til Íslensku tónlistarverðlaunann fyrir hlutverk Leonoru í La forza del Destino eftir Verdi og 2003 fyrir hlutverk Lady Macbeth úr óperunni Macbeth eftir Verdi.
Á tónleikunum rifjar Elín Ósk upp ýmsa góða takta, m.a. aríur úr Toscu, Macbeth, Turandot og flytur atriði úr Cavalleri Rusticana ásamt Óperukór Reykjavíkur og syngur einnig ljúf íslensk, norræn og trúarleg sönglög.
Með henni til fulltingis verða: píanistarnir Antonía Hevesi, Peter Máté og Jónas Þórir ásamt Óperukór Reykjavíkur undir stjórn Arons Axel Cortes.
Kynnir og sögumaður á tónleikunum verður Bergþór Pálsson söngvari.
Advertisement
Event venue
Salurinn Tónlistarhús, Hamraborg 6,Kópavogur, Kopavogur, Iceland
Tickets
Concerts, fests, parties, meetups — all the happenings, one place.