Advertisement
✨ باب الحكايات – القاهرة ✨يقدّم: عرض الحكي «اللي فات ماماتش»
في حاجات بنفتكر إنها عدّت، ومواقف بنقول إننا نسيناها، وحكايات بنحطها ورا ضهرنا… بس هل فعلًا كل اللي فات ماماتش؟
يمكن في كلام لسه ما اتقالش، ومشاعر لسه عايشة جوانا، وذكريات بتظهر فجأة في تفصيلة صغيرة، أو كلمة، أو وش شبه حد من زمان.
«اللي فات ماماتش» مساحة للحكايات اللي سابت أثرها فينا، وللحاجات اللي مهما عدّى عليها الوقت، بتفضل جزء مننا.
📅 موعد العرض: الجمعة 6 نوفمبر
🪩 الحفلة الأولى: ⏰ 7:00 مساءً
🪩 الحفلة الثانية: ⏰ 8:30 مساءً
🎟️ سعر التذكرة: 120 جنيه 💡 خصم عند حجز أكثر من تذكرة في نفس الحفلة
⚠️ المقاعد محدودة – الحجز مسبقًا
💳 الحجز عبر فودافون كاش:
01061948905
📩 بعد التحويل، ابعت رسالة على نفس الرقم فيها: ✨ اسمك كاملًا
✨ موعد الحفلة (7 م أو 8:30 م)
📍 مكان العرض: جمعية النهضة – جزويت القاهرة
15 شارع مهراني – الفجالة – القاهرة
📌 اللوكيشن:
https://maps.app.goo.gl/QqfS4ArHVtcnt27BA
❌ غير مسموح بدخول الأطفال أقل من 6 سنوات.
👶 الأطفال من 6 سنوات فأكثر بتذكرة كاملة.
🌿 عن «اللي فات ماماتش»
عرض الحكي «اللي فات ماماتش» هو نتاج ورشة احكيلي 18 – القاهرة، اللي استمرت لمدة 3 شهور، خلال أغسطس وسبتمبر وأكتوبر، وخاض فيها المشاركون رحلة من الحكي والكتابة والسيكودراما واكتشاف الذات، لحد ما قدر كل واحد منهم يحوّل جزء من تجربته وحكايته الشخصية لحكاية تتقال على المسرح وتوصل للآخرين.
في العرض، بنقرب من الحكايات والتجارب الإنسانية اللي بتسيب جوانا أثر، ومن الذكريات اللي بتفضل حاضرة حتى بعد ما نفتكر إننا تجاوزناها.
لأن الحكايات مش دايمًا بتنتهي لما أحداثها تخلص، وأحيانًا اللي بنفتكره فات، بيكون لسه عايش جوانا بشكل أو بآخر.
🌿 عن باب الحكايات
باب الحكايات مساحة فنية آمنة للحكي والتعبير، بدأت رحلتها سنة 2014، وقدّمت ورش وعروض حكي متنوعة في القاهرة والإسكندرية، وفتحت المجال لحكاواتية كتير إنهم يشاركوا تجاربهم الشخصية بصوت مسموع وسط جمهور.
🌿 عن حورية الدقاق
المخرجة ومدربة الحكي، والمؤسسة والمديرة الفنية لباب الحكايات. اشتغلت على مدار سنوات مع نساء وشباب ولاجئين من خلال الحكي والسيكودراما، وأسست مبادرات فنية زي «المرايا»، وقدّمت ورش وعروض بتستخدم الحكي كوسيلة للبوح والاكتشاف والتعبير الفني.
✨ «اللي فات ماماتش»… لأن مش كل حاجة بنعدّي منها، بتعدّي من جوانا.
مستنيينكم في جزويت القاهرة ❤️
Advertisement
Event venue
جمعية النهضة _ جزويت القاهرة, 15 Maharany,Cairo, Egypt
Tickets
Concerts, fests, parties, meetups — all the happenings, one place.