Advertisement
Verdiseminar 2026: Ver budd. Alltid budd?Kyrkja, medmennesket og lokalsamfunnet i beredskapstida
Laurdag 31. oktober inviterer Prostidiakonen i Vest-Telemark og
Vinje kommune til det årlege Verdiseminaret på Vinjehuset.
Temaet for årets seminar er: «Ver budd. Alltid budd?», med fokus på korleis kyrkja, frivilligheita og lokalsamfunna kan styrkje den menneskelege og sosiale beredskapen i ei uroleg tid.
I Totalforsvarsåret vert det ofte snakka om straum, vatn, matlager og naudetatar. Men beredskap handlar òg om menneske. Tillit, omsorg, fellesskap og håp er ressursar som blir avgjerande når samfunnet møter kriser. Verdiseminaret ønskjer å setje søkjelyset på nettopp desse verdiane.
Sidan 2004 har Vinje kommune og diakonien i Vest-Telemark samarbeidd om å arrangere Verdiseminaret, som har blitt ein viktig møteplass for refleksjon kring aktuelle samfunnsspørsmål.
Programmet byr på innlegg frå ei rekkje fagpersonar og aktørar innan kyrkje, beredskap, kultur og frivillig arbeid. Mellom dei medverkande er Per Gunnar Disch frå Universitetet i Søraust-Noreg, Jan W. Ruud, fylkesberedskapssjef i Telemark, sokneprest Tor Eivind Erikstein, kultursjef Kristian Rantala og diakon Asbjørn Sagstad frå SPIR.
Etter pause med musikkinnslag ved kantor Robertas Lamsodis vert seminaret avslutta med ei sofasamtale mellom representantar frå frivillige organisasjonar, kyrkje og kommune. Her blir det samtale om korleis lokalsamfunna kan byggje motstandskraft, ta vare på dei som fell utanfor og styrkje samarbeidet mellom frivillige, kommune og kyrkje.
Seminaret er gratis og ope for alle interesserte.
Arrangørar: Diakonatet i Vest-Telemark og Vinje kommune
Advertisement
Event venue
Raulandsvegen 60 , Raulandsvegen 60, 3890 Åmot, Norge, Notodden, Norway
Tickets
Concerts, fests, parties, meetups — all the happenings, one place.
Discover more events by tag
Conferences in NotoddenEducation in NotoddenBible-study in NotoddenLeadership in NotoddenWorkshops in Notodden