Advertisement
15 Jahr NaBiFeR - es letschts Mal.Am 7. November 2026 isch es tatsächlich so wiit:
Nach 15 Jahr fiiremer di allerletschti NaBiFeR.
Was irgendwänn mal als Geburtstagsparty vo de Feri und vom Nabil agfange hät, isch über all di Jahr zu so viel meh worde. NaBiFeR isch oise Geburi, oise Träffpunkt und oisi gmeinsami Nacht gsi - und vorallem en Ort, wo mir jedes Jahr mit oisne Fründe händ dörfe fiire.
Und ganz ehrlich: was gits schöners, als 15 Jahr lang de eigeni Geburtstag mit so viel tolle Mänsche fiire zdörfe!
Und das Jahr gits grad no en Grund meh, nomal richtig Gas z'geh: D Feri wird 40gi!
Und spötischtens jetzt wüssemer: Mer söt ufhöre wenn's am schönschte isch... oder bevor mer irgendwen a de eigene Party en Stuehl nebed de Tanzflächi brucht :)
Für de letscht Tanz holemer nomal DJ's zu ois, wo d NaBiFeR über vieli Jahr begleitet händ - di eine immer wieder, die andere fascht durchgehend. Mänsche, wo mit ihrere Musig Teil vo all dene Nächt und Erinnerige worde sind.
Aber di letschti NaBiFeR söll nöd eifach nume oisi Geburtstagsparty sii.
Di Nacht ghört au oi!
All dene, wo di letschte 15 Jahr mitghulfe händ. Wo ufbaut, dekoriert, organisiert, Musig gmacht, mitglacht, dureghalte und mit ois bis am Morge tanzt händ.
Ohni oi wär d NaBiFeR nie das worde, was si gsi isch.
I dene 15 Jahr sind so viel Erinnerige entstande. Nächt, über die mer hüt no redet. Begägnige, Fründschafte, völlige Blödsinn, durchtanzti Stunde - und ziemli sicher au di eint oder ander Gschicht, wo besser genau det bliibt, wo si passiert isch.
D NaBiFeR wird für ois unvergässlich bliibe.
Drum wämmer nöd eifach still und heimlich d Türe hinder ois zuemache, sondern mir wänds nomal so richtig krache la!
Uf 15 Jahr NaBiFeR
Uf alli, wo en Teil devo gsi sind.
Uf alli Erinnerige.
Uf Fründschaft.
Uf de Feri ihri 40gi.
Uf em Nabil sini 41gi.
Und uf e allerletschti, verdammt gueti NaBiFeR!
DJ's:
♫♪★ Authentic (H.G.I.I.A.A.D.T)
♫♪★ Bone (Castle Productions)
♫♪★ Echnaton (Basement Level)
♫♪★ KeSamoth (DreamTeam / Zeine)
♫♪★ Krambambuli (Basement Level)
♫♪★ Maestyk (Basement Level)
♫♪★ NAKE (DreamTeam / H.G.I.I.A.A.D.T.)
♫♪★ Purple Baze (H.G.I.I.A.A.D.T.)
Infos:
★ Ab 21
★ ONLY CASH!! (Kein Twint, SumUp, etc.)
★ 15 / 20 Franke Spassgebühr inkl. Garderobe
★ Tickets via Eventfrog oder Abendkasse
★ Feini Getränk zu super faire Prise
★ Areis mit de ÖV's empfohle (wenig Parkplätz)
★ Deko TBA
Advertisement
Event venue
St.Gallerstr. 184, 8404 Winterthur, Switzerland, Sankt Gallerstrasse 184, 8404 Winterthur Zürich, Schweiz, Winterthur, Switzerland
Tickets
Concerts, fests, parties, meetups — all the happenings, one place.