Advertisement
Leiklestur verður haldinn á nýju leikverki, MÆÐGUR, eftir höfundinn Helen Cova, í Mengi, miðvikudaginn 9. febrúar kl: 16:00. Verkið var unnið í Frumgerð höfundasmiðju á vegum Reykjavík Ensemble þar sem Friðgeir Einarssonar leikskáld veitti Helen dramatúrgíska ráðgjöf á meðan leikritunarferlinu stóð. Helen var valin úr hópi umsækjenda í Frumgerð höfundasmiðju af valnefndinni Sjón, Natasha S. og Pálínu Jónsdóttur á s.l. ári.
Leikverkið MÆÐGUR er unnið upp úr smásagnasafni Helen, Sjálfsát, sem kom út árið 2020. Leikverkið er skrifað á íslensku fyrir þrjá leikara og munu þær Ólafía Hrönn Jónsdóttir, Vigdís Hrefna Pálsdóttir og Rakel Ýr Stefánsdóttir flytja verkið. Leikstjóri er Pálína Jónsdóttir.
MÆÐGUR er verk sem speglar flókið og stormasamt samband Mömmu, einstæðrar móður sem berst við áföll fortíðar, og dóttur hennar Maríu, sem reynir að fóta sig í togstreitunni milli þess að dýrka og hata móður sína. Verkið fjallar um móðurhlutverkið, kynslóða áföll, samfélagslegar væntingar til kvenna og flókin, og oft sársaukafull, tengsl mæðgna. Verkið gerist í bæ sem lýtur súrrealískum lögmálum sem endurspeglar bjagaðann veruleika áfalla og ástar.
Frítt inn og öll velkomin meðan húsrúm leyfir.
Advertisement
Event Venue & Nearby Stays
Mengi, Óðinsgata 2, 101 Reykjavíkurborg, Ísland,Reykjavík, Iceland
