Advertisement
Haugesund Mållag og Ungdomslag arrangerer helgekurs i slåttestev og slåttetralling med Tora Fjeld som instruktør, laurdag 24. og sundag 25. oktober.Laurdagen har vi kurs frå klokka 12.00 til 16.30, og sundagen frå klokka 10.00 til 14.30. Begge kursdagane inkluderer pausar. Det blir servering av kaffi, te og frukt. Ta gjerne med deg matpakke.
- Kven kan bli med og kva kjem du til å lære?
Nivået på kurset er ope og forkunnskap er ikkje naudsynt. Om du er ein ringrev i folkemusikken, eller berre litt nysgjerrig, er du like velkommen. På kurset skal vi innom fleire delar av den deilige kulturskatten vår. Deriblant: slåttetralling, balladar, stev og ei og anna grisevise.
Instruktør på kurset er Tora Fjeld. Tora er til vanleg instruktør i «Kvedargruppa i Bergen» og har lang fartstid i folkemusikken, både som instruktør og utøvar. Med fokus på songglede og ei leikande tilnærming til musikken og instruktørrollen gler ho seg no til å ta turen til Haugesund.
Sitat frå Tora: "Gøy! Eg gledar meg!"
Deltakelse på kurset kostar 550 kroner for medlemmer i HMU, og 650 for andre. Deltakaravgifta kan betalast med Vipps til #552242, eller kontakt ved oppmøte. Kurset mottar økonomisk støtte frå Studieforbundet Kultur og Tradisjon.
Ta kontakt med Beth på telefonnummer 92295461 for påmelding.
Me gler oss! Velkommen!
Advertisement
Event venue
Kvalamarka 25, Haugesund, Norway
Tickets
Concerts, fests, parties, meetups — all the happenings, one place.