About this Event
உங்கள் எண்ணங்களுக்கு எழுத்து வடிவம் கொடுங்கள்!
அவ்வை தமிழ் மையம் வழங்கும் தமிழில் படைப்பெழுத்துப் பயிலரங்கம்.
ஒரு சிறுகதை எழுத வேண்டும் என்ற ஆசை இருக்கிறதா? உங்கள் எண்ணங்களையும் அனுபவங்களையும் தமிழில் படைப்புகளாக வெளிப்படுத்த விரும்புகிறீர்களா? எழுத்துலகில் உங்கள் பயணத்தைத் தொடங்கவோ, ஏற்கெனவே தொடங்கிய பயணத்தை மேலும் செம்மைப்படுத்தவோ விரும்புகிறீர்களா?
தமிழில் எழுத ஆர்வமுள்ள இளம் படைப்பாளர்களுக்கும் வளர்ந்து வரும் எழுத்தாளர்களுக்கும் அவ்வை தமிழ் மையம் ஒரு சிறப்புப் படைப்பெழுத்துப் பயிலரங்கத்தை ஏற்பாடு செய்துள்ளது.
தமிழ் இலக்கியத்தின் குறிப்பிடத்தக்க சமகாலப் படைப்பாளியான எழுத்தாளர் பெருமாள் முருகன் இப்பயிலரங்கத்தை நேரடியாக வழங்குகிறார்.
நாவல்கள், சிறுகதைகள், கவிதைகள், கட்டுரைகள் எனப் பல்வேறு இலக்கிய வடிவங்களில் இயங்கி வரும் பெருமாள் முருகன், தனது படைப்புகளின் மூலம் தமிழ் இலக்கியத்தை உலகளாவிய வாசகர்களிடம் கொண்டு சென்றுள்ளார்.
இந்தப் பயிலரங்கத்தில் என்ன எதிர்பார்க்கலாம்?
- படைப்பெழுத்தின் அடிப்படைகளை அறிந்துகொள்ளுதல்.
- கற்பனையையும் அன்றாட அனுபவங்களையும் கதைகளாக மாற்றும் வழிமுறைகளைப் புரிந்துகொள்ளுதல்.
- கதைக்கரு, கதாபாத்திரம், உரையாடல் மற்றும் மொழிநடை குறித்து அறிந்துகொள்ளுதல்.
- எழுத்தாளரின் படைப்பு அனுபவங்களையும் எழுத்துப் பயணத்தையும் அறிந்துகொள்ளுதல்.
- எழுத்தாளருடன் நேரடியாகக் கலந்துரையாடி கேள்விகள் கேட்கும் வாய்ப்பு.
யார் பங்கேற்கலாம்?
தமிழில் எழுத ஆர்வமுள்ள உயர்நிலைப் பள்ளி மாணவர்கள், கல்லூரி மாணவர்கள், இளம் படைப்பாளர்கள், சிறுகதை மற்றும் கவிதை எழுத முயற்சிப்பவர்கள், வளர்ந்து வரும் எழுத்தாளர்கள் ஆகிய அனைவருக்கும் இந்தப் பயிலரங்கம் பொருத்தமானது.
முன்னதாக இலக்கியப் படைப்புகளை எழுதியிருக்க வேண்டிய அவசியமில்லை. தமிழில் படைக்க வேண்டும் என்ற ஆர்வம் இருந்தாலே போதும்!
தமிழ் இலக்கிய உலகின் முன்னணிப் படைப்பாளியிடமிருந்து நேரடியாகப் படைப்பெழுத்தைக் கற்றுக்கொள்ளும் இந்த வாய்ப்பைப் பயன்படுத்திக்கொள்ளுங்கள்.
உங்கள் எழுத்துப் பயணத்தில் ஒரு புதிய அத்தியாயத்தைத் தொடங்க இன்றே பதிவு செய்யுங்கள்!
நிகழ்வின் சிறப்பம்சங்கள்
- எழுத்தாளருடன் நேரடிப் பயிற்சி: பெருமாள் முருகனிடமிருந்து படைப்பெழுத்து குறித்த வழிகாட்டுதலைப் பெறும் வாய்ப்பு.
- படைப்பாற்றலை வளர்க்கும் பயிலரங்கம்: தமிழில் எழுதத் தொடங்குபவர்களுக்கும் தங்கள் எழுத்தாற்றலை வளர்க்க விரும்புபவர்களுக்கும் ஏற்ற நிகழ்வு.
- கலந்துரையாடல்:: எழுத்தாளருடன் படைப்புகள், எழுத்து அனுபவங்கள் மற்றும் படைப்பாற்றல் குறித்து உரையாடும் வாய்ப்பு.
Event venue & nearby stays
Parr Library, 6200 Windhaven Parkway, Plano, United States
Concerts, fests, parties, meetups — all the happenings, one place.