Advertisement
I ei elv på Vestlandet leitar to vaksne gutar og ei aldrande mor etter ein stein til ei grav. Ein stein til ein kjær, men frykta far som dei endeleg kan frigjere seg i frå. -Jeg har arvet hendene dine, skriv Simon Stranger ein stad i romanen med same namn; Stranger. Mest av alt fryktar forfattaren å bli som far sin. Romanen handlar om å vekse opp i skuggen av psykisk sjukdom.
Korleis kan vi komme vidare når vi er bundne til dei vi elskar, men samtidig treng å ta avstand for å berge oss sjølve?
Simon Stranger har sidan debuten i 2003 gjeve ut ei rekkje bøker for barn, ungdom og vaksne. Mest kjend er han kanskje for romanen «Leksikon om lys og mørke» som er omsett til over 20 språk.
-Leit i ruinane dine, er eit velkjent skriveråd. Men mellom knuste barndomsminne har Simon Stranger unngått å leite og heller ikkje fortalt, ikkje til nokon. Kan vi stole på barndomsminna, slik vi hugsar dei, når vi teier?
Velkomne til eit nært og personleg møte med Simon Stranger om forteljingane si frigjerande kraft og om nyansane som kjem fram når lyset slepp inn, som i eit prisme i ein vassdråpe på ein stein i ei elv.
Velkommen til teaterkafe i Røyst!
Arrangementet er i samarbeid med Rom for ord, og er gratis.
Advertisement
Event Venue & Nearby Stays
Storehagen 10, 6800 Førde, Norway, Storehagen 8, 6800 Førde, Norge, Førde, Norway
Concerts, fests, parties, meetups - all the happenings, one place.
