Advertisement
Alle liv rommar ei forteljing, også dei lavmælte og stillfarne. Eitt år hende det at Kjersti Annesdatter Skomsvold vart liggande vaken om nettene. I den ein handa heldt ho toåringen sin i den vesle neven. Den andre handa grip oldemor Elise tak i. Så byrjar forfattaren å dikte fram si eiga oldemor, fødd i 1880. Dei som framleis kan hugse fortel at oldemora var ei sint og bitter kvinne, men ein gong må ho vel ha elska livet?
Ein dag hende det at Gaute Heivoll fekk tilsendt eit dikt, over hundre år gammalt. Frå linjene steig ein skikkelse fram for forfattaren, med same etternamn som han sjølv. Ein enkel mann, ugift og aleine, men eit bortgøymt liv kan vel romme ei stor forteljing?
-Jeg har arvet hendene dine, skriv Simon Stranger ein stad i romanen med same namn; Stranger. Men mest av alt fryktar forfattaren å bli som far sin. Korleis kan vi komme vidare når vi er bundne til dei vi elskar, men samtidig treng å ta avstand for å berge oss sjølve?
Velkomne til eit nært møte med tre av våre mest omtykte forfattarar i den lune løa i Hamarsbakken på sørsida av Jølstravatnet denne torsdagskvelden. Med romanane «Elises bok», «Himmelens krystall» og "Stranger" som utgangspunkt, les og reflekterer dei over korleis diktinga kan gje rom for større forståing og ei form for tidlaus omsorg, både for dei som er ute av tida og for oss som har tida vår her, no.
I løa på Hamarsbakken er sambandet til andre tider tettare og tydelegare, tider då eit lite gardsbruk under hamrane var stort nok.
Å fortelje er å hugse, å hugse er å halde levande. Velkomne til ei god stund kring bøkene og forteljingane, småmat og godt i glaset.
Boksignering i samarbeid med Norli Førde.
Advertisement
Event Venue & Nearby Stays
Nikolai Astrups veg 371, 6847 Vassenden, Norge, Nikolai Astrups veg 371, 6847 Vassenden, Norge, Førde, Norway
Concerts, fests, parties, meetups - all the happenings, one place.
