Name: Sígildir sunnudagar: Frá Feneyjum til Parísar
Start: 2026-02-01T16:00:00+00:00
End: 2026-02-01T17:30:00+00:00
Location: Harpa tónlistar- og ráðstefnuhús / Harpa Concert Hall and Conference Centre

$S\u00edgildir sunnudagar: Fr\u00e1 Feneyjum til Par\u00edsar$

Árið er 1677 og hin tónlistarmenntaða Antonia Bembo yfirgefur sviksaman eiginmann í Feneyjum og heldur til Parísar, mögulega í fylgd gítarleikarans víðförla Francesco Corbetta. Í Frakklandi nær hún hylli Loðvíks XIV og semur meðal annars óperu sem hún tileinkar sólkonunginum. Í efnisskránni „Frá Feneyjum til Parísar“ einbeita Ieva Sumeja og barokkhópurinn ConsorTico sér að tónlist merkilegrar konu á síðari hluta 17. aldar, en rannsaka einnig tvo afar ólíka tónlistarheima sem settu mark sitt á öldina: Ítalíu og Frakkland. Auk verka eftir Antoniu Bembo sjálfa, sem að öllum líkindum hafa aldrei verið flutt hérlendis, hljóma einnig verk eftir samtímamenn hennar í Feneyjum og Frakklandi, m.a. Francesco Cavalli, Barböru Strozzi, Robert de Visée og Élisabeth Jacquet de la Guerre. Leikið er á upprunahljóðfæri.
Almennt miðaverð er 4.500 kr., 3.500 kr. fyrir eldri borgara og námsmenn.
Flytjendur:
Ieva Sumeja, sópran
Sólveig Steinþórsdóttir, barokkfiðla
Anna Tóth, barokkselló
Sólveig Thoroddsen, barokkharpa
Sergio Coto Blanco, teorba og barokkgítar