Name: Svavar Knútur á Söguloftinu
Start: 2025-08-29T20:00:00+00:00
Location: Brákarbraut 13-15, 310 Borgarnes, Iceland

$Svavar Kn\u00fatur \u00e1 S\u00f6guloftinu$

Svavar Knútur söngvaskáld fagnar þessa dagana sumrinu með tónleikum og ferðalögum um landið þvert og endilangt og kemur meðal annars við í Borgarnesi, þar sem hann heldur tónleika í Landnámssetrinu, föstudaginn 29. ágúst næstkomandi.
Á síðasta ári komu út nýjasta plata Svavars, Ahoy! Side B, ásamt tvöföldum vínyl, þar sem Side B rennur saman við systurplötu sína Ahoy! Side A, sem kom út 2018, en Svavar Knútur hlaut tilnefningar til íslensku tónlistarverðlaunanna fyrir báðar hliðar. Loksins sameinaðar! Þetta er lokahluti meir en 15 ára verkefnis Svavars Knúts um sorgarferlið með öllum tilheyrandi hólum og hæðum, dimmu dölum og björtu stjörnum og alls kyns gúmmelaði þar á milli.
Svavar Knútur hefur undanfarna tæpa tvo áratugi notið sívaxandi velgengni og viðurkenningar bæði hérlendis sem erlendis, fyrir að hlúa að íslenskum sagna- og söngvaarfi. Á tónleikunum mun Svavar Knútur syngja lög vítt og breitt af ferli sínum og segja sögur af ferðlögum, löndum og lýðum. Börn eru auðvitað velkomin í fylgd með foreldrum. Plötur og bækur verða að sjálfsögðu til sölu fyrir fólk sem enn kann að meta tónlist og lestur góðra bóka.
Aðgangseyrir er litlar kr. 4.900
Miðasala hér: https://tix.is/event/19792/svavar-knutur-i-landnamssetrinu
eða í gegnum [email protected]