Advertisement
MJAÐMADANS - seiðandi og sensjúal Dans sem:
🌺 Losar um spennu í mjöðmum
🌺 Styrkir og eykur liðleika
🌺 Stuðlar að opnun inn á við
🌺 Eflir leikgleði og sköpun
Námskeiðið byggir á æfingum og hreyfingum sem Íris hefur þróað með árunum sem magadanskennari og kynverukennari.
Á námskeiðinu eru þessar áherslur:
⭐️ Dans og hreyfiflæði ⭐️
Við lærum einföld spor og rútínur og vinnum að því að kynnast OKKAR líkama og hvernig hann vill og þarf að hreyfa sig. Ekkert eitt er rétt og engin sjálfsprottin hreyfing er röng. Hvernig getur þér liðið vel í þínum líkama? Hvað kallar hann á?
⭐️ Leikgleði og húmor ⭐️
Við tökum okkur ekki of alvarlega, við gerum tilraunir, hlæjum og leikum okkur. Förum út fyrir þægindarammann og ögrum okkur. Gerum alls konar hreyfingar, stórar, skrítnar og nýjar hreyfingar og kynnumst okkur sjálfum með forvitni að leiðarljósi.
⭐️ Spennulosun ⭐️
Sagt er að mjaðmirnar geymi áföll, við vinnum að því að losa um, opna og sleppa tökum á því sem líkaminn vill halda í en þarf ekki á að halda. Við gerum teygjur og æfingar til að slaka á psoas vöðvanum sem kallaður er “tilfinninga” vöðvinn og geymir áföll.
⭐️ Liðleiki og styrkur ⭐️
Grindin og hryggjasúlan heldur okkur uppi, við styrkjum okkur og aukum liðleika í kringum grind og hryggjasúlu með fjölbreyttum og skemmtilegum æfingum með það að markmiði að líða betur í líkamanum og bera okkur vel.
___________________
Námskeiðið er haldið á Dansverkstæðinu í sal 2
27. febrúar - 3. apríl
6 skipti á fimmtudögum frá 14.00-14.45
Gott er að vera í fötum sem hefta ekki hreyfingu.
Dansað er á tánum eða sokkum/tátiljum.
Verð námskeiðs er 17.000 ISK
Hægt er að koma í stakan tíma fyrir 3.500 ISK
SKRÁNING FER FRAM HÉR: https://forms.gle/CaV8u23pLiLCQwHJ8
Hafðu samband á [email protected] ef þú vilt koma í stakan tíma eða ef einhverjar spurningar vakna.
____________________
Um Írisi Stefaníu
Íris er sviðslistakona sem hefur unnið mikið með líkama og líf kvenna í verkum sínum. Hún leggur áherslu á unað, tabú, skömm og þrár. Hún hefur meðal annars safnað og gefið út sjálfsfróunarsögur kvenna og haldið söguhringi þar sem sögur sem tengjast efninu eru sagðar. Gert útvarpsleikhúsverk um eldri konur og rétt þeirra til að vera kynverur, verk um konur sem kjósa að eignast ekki börn og verk um náttúruhneigð og unað í fæðingum. Íris hefur dansað magadans í rúm 20 ár og kennir magadans í Kramhúsinu og víðar og vinnur við að kenna dans, leiklist, valdeflingu og tjáningu.
Íris er með BA gráðu í Bókmenntum, MA gráðu í Hagnýtri Menningarmiðlun og MFA gráðu í Sviðslistum. Auk þess hefur hún sótt ótal námskeið, bæði líkamlega og fræðileg, um lífið og tilveruna.
Advertisement
Event Venue & Nearby Stays
Dansverkstæðið, Hjarðarhagi 47, 107 Reykjavíkurborg, Ísland,Reykjavík, Iceland
