Advertisement
Þann 21. nóvember næstkomandi verða haldnir útgáfutónleikar plötunnar ,,+1” sem kom út á vegum Reykjavík Record Shop þann 23. júlí síðastliðinn.Tónleikarnir hefjast kl. 20 og er miðaverð 5.990 kr. Afsláttur fyrir nema, öryrkja og eldri borgara.
Á tónleikunum verða leikin lög af nýútkominni plötu í bland við eldra efni þeirra Hróðmars og Ingibjargar.
Fram koma:
Hróðmar Sigurðsson: Rafgítar / Pedal Steel
Ingibjörg Elsa Turchi: Rafbassi
Magnús Trygvason Eliassen: Trommur
Tómas Jónsson mun hefja leika á tónleikunum með því að leika eigið efni af nýútkominni plötu.
Frekari upplýsingar:
Hróðmar og Ingibjörg eiga áralangt samstarf að baki og hafa spilað fjöldann allan af tónleikum saman á síðustu árum. Þau hafa leikið inn á plötur hvors annars og var því tímabært að þau sameinuðu krafta sína í dúó plötu og kom hún út á vínyl á vegum Reykjavík Record Shop þann 23. júlí síðastliðinn. Platan er einnig fáanleg á helstu streymisveitum. Þann 21. nóvember verður útgáfunni fagnað og blásið verður til tónleika í Iðnó þar sem tónlistin af plötunni verður leikin ásamt eldri verkum þeirra Ingibjargar og Hróðmars.
Bassaleikarinn og tónskáldið Ingibjörg Elsa Turchi (1988) hefur verið afar sýnileg í íslensku tónlistarlífi sl.ár og hefur komið fram með mörgum af ástsælustu listamönnum þjóðarinnar, svo sem Emilíönu Torrini, Bubba Morthens, Stuðmönnum og Teiti Magnússyni, bæði á tónleikum og upptökum. Meðal fleiri samstarfsaðila má nefna Röggu Gísla, Mikael Mána, Skuggamyndir frá Býsans, Hróðmar Sigurðsson og Soffíu Björgu, svo fátt eitt sé nefnt. Hún hefur einnig samið verk fyrir Sinfóníuhljómsveit Íslands og Stórsveit Reykjavíkur og tekið þátt í verki Ragnars Kjartanssonar, Kona í e-moll, í Listasafni Reykjavíkur. Hún hefur leikið á bassa í hljómsveitum í Þjóðleikhúsinu og Borgarleikhúsinu og verið í húsbandi Idol-stjörnuleitar á Stöð 2.
Ingibjörg gaf út stuttskífuna Wood/Work árið 2017 þar sem rafbassinn var í aðalhlutverki. Í júlí 2020 gaf Ingibjörg svo út sína fyrstu plötu í fullri lengd, Meliae. Hlaut platan titilinn Plata ársins í Djassflokki á Íslensku tónlistarverðlaununum 2021 og tilnefningu til Hyundai Nordic Music Prize sama ár. Árið 2023 kom út hennar seinni plata í fullri lengd, Stropha. Hún fékk 4 stjörnur hjá Heimildinni, var á flestum árslistum 2023 og fékk tilnefningu á Íslensku tónlistarverðlaununum í flokknum Upptökustjórn ársins.
Hróðmar Sigurðsson lauk burtfararprófi frá Tónlistarskóla FÍH 2017 og verið að starfa sem tónlistarmaður síðan þá. Hann gaf út plötuna ,,Hróðmar Sigurðsson” árið 2021 og hlaut mikið lof fyrir, hljómsveit hans var tilnefnd sem tónlistarflytjandi ársins á Íslensku Tónlistarverðlaununum og var hann einnig valin sem ,,bjartasta vonin” í jazz og blús tónlist það sama ár. Hróðmar hefur leikið inn á plötur með Ingibjörgu Turchi, Teiti Magnússyni, Benna Hemm Hemm ofl. Hróðmar skrifaði tónverkið ,,Vík” fyrir Stórsveit Reykjavíkur vorið 2025 og var það frumflutt á tónleikum sama ár í Hörpu.
Tómas Jónsson hefur farið víða í íslensku tónlistarlífi. Hann útskrifaðist frá tónlistarskóla FÍH 2012. Hljómsveitir og samstarfsaðilar Tómasar eru AdHd, Jónas Sigurðsson, Júníus Meyvant, ásamt eigin hljómsveitum sem koma fram í hans nafni og spila hans tónlist.
Tómas gaf út sína fyrstu hljómplötu í eigin nafni árið 2016 og hlaut hún tilnefningu sem plata ársins í opnum flokki á íslensku tónlistarverðlaununum í framhaldinu.
Aðrir samstarfsaðilar Tómasar eru Sigríður Thorlacius, Sigurður Guðmundsson, Jóel Pálsson, Hjálmar, Ham, Magga Stína, svo fáeinir séu nefndir.
Advertisement
Event Venue & Nearby Stays
IÐNÓ, Vonarstræti 3, 101 Reykjavíkurborg, Ísland, Reykjavík, Iceland
Tickets
