Name: Fáðu þér kríu
Start: 2026-05-08T12:00:00+00:00
End: 2026-05-09T17:00:00+00:00
Location: Hotel Holt, Reykjavik

$F\u00e1\u00f0u \u00fe\u00e9r kr\u00edu$

Fáðu þér kríu er útgáfa vörumerkisins ÆÐUR sem hönnunarstofan Erindrekar hefur verið að vinna að undanfarið. Á Hótel Holti á HönnunarMars 2026 fléttast saman fjölbreytt svið hönnunar og lista í skynrænni upplifun þar sem andartakið milli svefns og vöku er grandskoðað með verkum, þátttöku gesta og nýjum vörum.
Vöruhönnuðirnir Íris Indriðadóttir og Signý Jónsdóttir hafa unnið í nánu samstarfi við grafíska hönnuðinn Þorgeir K. Blöndal og kvikmyndagerðarmanninn Arnar Gústafsson að þróun ásýndar nýs vörumerkis sem framleiðir vörur úr íslenskum æðardún. Sú vinna hefur ekki áður verið kynnt almenningi. Fáðu þér kríu markar uppskeru þessa ferlis og er sett fram sem óður til andartaksins milli svefns og vöku. Verk sýningarinnar eru sýnd í ólíkum rýmum Holtsins, en nýjar vörur frá ÆÐUR líta dagsins ljós og verða aðgengilegar gestum.
Einnig geta gestir bókað sér kríu á hótelherbergi undir æðardúnssæng. Með sérhönnuðum hljóð- og myndheimi og grafískum tólum er gestum boðið að síga inn í skynræna upplifun.