Advertisement
🌿 Dagur Grænni byggðar 2025 verður haldinn í IÐNÓ 8. október! 🗣 Dagskrá hefst kl. 13:00 og lýkur með afhendingu Grænu skóflunar kl. 17:00. Eftir það verður boðið upp á drykki og pinnamat. Fundarstjóri verður Sigríður Ósk Bjarnadóttir, framkvæmdastjóri umhverfis- og gæðasviðs hjá Hornsteini og stjórnarmeðlimur Grænni byggðar.
🤝🏻 Á ráðstefnunni í ár verður lögð sérstök áhersla á félagslega þætti sjálfbærni - velferð notenda í byggðu umhverfi.
➡ Skráning á ráðstefnuna fer fram hér: https://forms.gle/FEHWhpqVBwmxWVaF7
✨Dagskrá ✨
💡Aðalfyrirlesari: Natalia Olszewska 💡
🏡 Natalia Olszewska er læknir og er auk þess með MSc gráðu. Hún hefur brennandi áhuga á heilsumiðaðri hönnun og sköpun umhverfis sem styður við heilsu og vellíðan. Með þetta að markmiði sérhæfir hún sig í að nýta taugavísindi og sálfræði í arkitektúr og hönnun bygginga og byggir þá vinnu á djúpum skilningi á lífeðlisfræði og læknisfræði.
📖 Natalia er með einstakan þverfaglegan bakgrunn en hún er með menntun í læknisfræði, taugavísindum, og taugavísindum í arkitektúr auk þess sem hún hefur stundað rannsóknir við Harvard háskóla og Collège de France.
✏ Natalia er einn af stofnendum IMPRONTA, rannsóknar- og ráðgjafafyrirtækis sem leggur áherslu á vísindin að baki hönnunar sem hefur heilsu og vellíðan að leiðarljósi. Hún hefur unnið að byggingar verkefnum um allan heim sem eiga það sameiginlegt að vera hönnuð til þess að styðja við hugræna, tilfinningalega og félagslega þróun.
👩🏫 Natalia kennir taugavísindi í arkitektúr við IUAV háskólann í Feneyjum. Öll hennar vinna byggist á þeirri trú að arkitektúr eigi að gera meira en þjóna bara sínum grunntilgangi og eigi að uppfylla djúpstæðar líffræðilegar, tilfinningalegar og félagslegar þarfir okkar. Hún heldur fyrirlestra og skrifar um tengslin milli heilsu, taugavísinda og byggða umhverfisins.
💡 Fyrirlestur: Heilandi máttur náttúrunnar – landslagshönnun með áherslu á endurheimt - Íris Reynisdóttir, Efla💡
🏗 Hið byggða umhverfi og íbúar þess eru fjölbreytt, landslagsarkitektúr vinnur á þverfaglegan hátt við að skapa græn svæði fyrir ólíka notendahópa. Erindið fjallar um hvernig teymi landslagsarkitekta hjá Eflu nálgast verkefni sín til að skapa heilnæmt umhverfi fyrir öll.
💡 Fyrirlestur: Nútíð og framtíð ljósvistar í íslenskum byggingum - Ásta Logadóttir, Lota💡
🏗 Ljósvist hefur bein áhrif á heilsu, sjón og upplifun okkar af rýmum. Í fyrirlestrinum fjallar Ásta Logadóttir, teymisstjóri hjá LOTU, um stöðu ljósvistar í íslenskum byggingum og RB blöð tengd ljósvist.
💡 Fyrirlestur: Orkuflokkun húsa á Íslandi - Björn Marteinsson💡
🏗 Kynning á starfsemi vinnuhóps á vegum HMS varðandi orkuflokkun íbúðarhúsa á Íslandi og áframhaldandi vinnu varðandi orkuflokkun annarra tegunda húsa.
💡 Fyrirlestur: Aðgerðaráætlun Byggjum grænni framtíð - nýjar aðgerðir - Elín Þórólfsdóttir, HMS 💡
🏗 Nýjustu aðgerðir í aðgerðaráætlun Byggjum grænni framtíð verða kynntar. Þær styðja við markmið um kolefnishlutleysi, hringrásarhagkerfi, sjálfbærni í byggingargeiranum og innleiðingu náttúrumiðaðra lausna.
💡 Fyrirlestur: Nýr hótelreitur rís með sjálfbærni í fyrirrúmi - Berglind Ósk Ólafsdóttir, Reitir 💡
🏗 Um þessar mundir reisa Reitir HYATT hótel að Laugavegi 176. Í erindinu verður fjallað um hvernig sjálfbærni hefur verið fléttuð saman við hönnun, byggingu og framtíðarrekstur hótelsins á þessum sögulega byggingarreit við Laugaveg 176.
💡 Fyrirlestur: Minni sóun og meiri verðmætasköpun - Emilía Borgþórsdóttir, Húsasmiðjan 💡
🏗 Húsasmiðjan hefur unnið ötullega að bættum ferlum innan starfsemi sinnar, sem stuðlar að endurnýjun efna og verðmætasköpun byggingarefna. Í erindinu mun verkefnastjóri sjálfbærni hjá Húsasmiðjunni fjalla um hvernig sjálfbærni er nýtt í nýsköpun innan fyrirtækisins.
🗣 Pallborð: Velferð notenda í byggðu umhverfi - Stærsta áskorun samtímans 🗣
🏗 Í pallborði munu sitja sérfræðingar og fulltrúar mismunandi hagsmunaaðila innan byggingargeirans. Staðfestir þáttakendur í pallborði eru Páll Jakob Líndal frá Háskólanum í Reykjavík, Hjördís Sóley Sigurðardóttir frá Reykjavíkurborg, Guðrún Ragna Yngvadóttir frá ASK Arkitektum og Guðrún Álfheiður Thorarensen frá EIK. Umræðum stjórnar Anna Sigríður Jóhannsdóttir arkitekt og stjórnarmeðlimur Grænni byggðar.
Advertisement
Event Venue & Nearby Stays
IÐNÓ, Vonarstræti 3, 101 Reykjavíkurborg, Ísland, Reykjavík, Iceland
