Advertisement
⛵ კვირას, 13 აპრილს, 14:00 საათზე, თბილისის წიგნის ბაზრობაზე გაიმართება ჰომეროსის „ოდისეის“ წარდგენა, წიგნის, რომელსაც ყველანი დიდი მოთმინებით ველოდით.„ჰომეროსის „ოდისეა“ არის პოემა იმ მრავლისმნახველ კაცზე, რომელმაც ბევრი იხეტიალა მას შემდეგ, რაც ტროის წმინდა ციხესიმაგრე დაამხო; ადამიანთა მრავალი ქალაქი ნახა და გონება შეიცნო, მრავალი ტკივილი გადაიტანა, უამრავი თავსატეხი ამოხსნა და უთვალავ განსაცდელს გაუძლო. ესაა ამბავი კაცზე, რომელმაც, ომის საშინელებათა გარდა, საიქიოც იხილა; რომელმაც უარი თქვა უკვდავებასა და მარადიულ უბერებლობაზე, ოღონდ კი შინ, თავის მოხუც მამასთან, ლაერტესთან, ერთგულ მეუღლესთან, პენელოპესთან, და უმამოდ დავაჟკაცებულ შვილთან, ტელემაქოსთან, დაბრუნებულიყო. აქ ტროის ათწლიანი სისხლისმღვრელი ომისა და შინ დასაბრუნებლად ასევე ათწლიანი, ფათერაკებით სავსე მოგზაურობის შემდეგ მას ახალი განსაცდელი ელოდა.
ამავე დროს, ეს არის მსოფლიო ლიტერატურის პირველი ნაწარმოები, რომელშიც ქართველი პერსონაჟი, კუნძულ აიაიას დედოფალი, კირკე, გვხვდება…“
▪️მთარგმნელი: ლევან ბერძენიშვილი
▪️მოდერატორი: დავით პაიჭაძე
📍 მისამართი: აკაკი წერეთლის #118, ექსპო ჯორჯიას მე-11 პავილიონი
დასწრება თავისუფალია!
Advertisement
Event Venue & Nearby Stays
Expo Georgia ექსპო ჯორჯია, 118 Tsereteli Ave., Tbilisi, Georgia
