Advertisement
16 март – ден што не се заборава
Постојат датуми што не минуваат.
Постојат рани што времето не ги лечи.
На 16 март се навршува една година од трагедијата во дискотеката „Пулс“ во Кочани – ноќ во која згаснаа 63 млади животи. Меѓу нив беше и нашата Ивона Антова. Дете со сон, со насмевка, со планина во срцето.
Ивона не припаѓаше на тишината. Таа припаѓаше на врвовите.
На ветрот. На чекорот што оди напред, дури и кога е тешко.
На само 12 години го искачи својот прв врв – Царев Врв. Потоа следеа Руен, Мусала, Кораб, Титов Врв, Љуботен… но највисокиот врв што Ивона го достигна беше човечноста. Таа беше светлина за помладите, рака што туркаше напред, глас што велеше: „Можеш.“
Не го признаваше „не можам“.
Не се откажуваше.
Не се плашеше од височини – затоа што нејзината душа беше висока.
Една година подоцна, болката е иста. Празнината е иста.
Но и обврската е иста – да не заборавиме.
Затоа, ПСК Осогово во чест на Ивона Антова го организира Првиот меморијален планинарски марш „Ивона Антова“ – 2026, на Пониква, до местото каде ќе се изгради меморијалниот паметник „Ангели“.
Овој марш не е само чекор по планина.
Овој марш е чекор против заборавот.
Чекор за сите деца што не стигнаа да пораснат.
Чекор за Ивона – која денес не чекори со нас, но нè учи како се оди исправено.
Додека се искачуваме, таа ќе биде со нас.
Во секој здив. Во секој чекор.
На секој врв.
Маршот ќе се реализира на туристичкиот локалитет Пониква.
🔹 Почеток: Аеродром Пониква – 09:00 часот
(место каде ќе започне изградбата на Меморијалниот споменик „Ангели“)
🔹 Предвидена патека:
Пешачење до највисокиот врв на Пониква – врв Панаѓур (1669 м.н.в.)
Должина на патеката: 9 км (кружна)
Лесна и пристапна патека, наменета за сите категории планинари, рекреативци и љубители на природата
По завршувањето на маршот, за сите учесници ќе биде организиран заеднички ручек во манастирската трпезарија.
За сите клубови, училишта и организирани групи учесници, ПСК Осогово ќе додели благодарници за учество и поддршка.
Да зачекориме заедно по патеките што ги сакаше Ивона, да ја зачуваме спомената за неа и за сите наши ангели, и преку заедништво и љубов кон природата да испратиме порака дека никогаш нема да бидат заборавени.
Контакт 078 270 724 Тошо Антов
071 314 482 Стојка Антова
078746970 Зоран Николов
Advertisement
Event Venue
Пониква Осогово, Probistip, Kyustendil, Bulgaria
Tickets
Concerts, fests, parties, meetups - all the happenings, one place.
