Name: Útgáfufögnuður: Vegur allrar veraldar eftir Sigríði Hagalín Björnsdóttur
Start: 2025-11-11T17:00:00+00:00
Location: 12 Tónar

Verið velkomin í veislu í tilefni útgáfu nýrrar skáldsögu Sigríðar Hagalín Björnsdóttur, Vegur allrar veraldar - skálkasaga.
Í þessu sjálfstæða framhaldi af Hamingja þessa heims klárar Sigríður Hagalín stórvirki sitt um íslenskar síðmiðaldir, og opnar 15. öld bæði fyrir leikum og lærðum með sínum einstaka frásagnagaldri. Því er ærin ástæða til að skála!
Fögnuðurinn fer fram á 12 tónum við Skólavörðustíg, þriðjudaginn 11. nóvember kl. 17:00.
Skáldið les upp og áritar, bókin verður á útgáfutilboði og boðið verður upp á drykki á barnum. Hlökkum til að sjá ykkur!
Um bókina:
Haustið 1479 kemur kona norður yfir Kjöl og teymir hest undir gömlum manni. Sveinn döggskór, hirðskáld Ólafar ríku, er kominn í Reynistaðarklaustur til að deyja. En ekki fyrr en hann hefur skrásett sannleikann um atburðina í Rifi, þegar Englendingar drápu Björn Þorleifsson, hirðstjóra konungs og eiginmann Ólafar. Vígið kveikti ófriðarbál.