Advertisement
Sérstakur viðburður fyrir Árskortshafa Listasafns Reykjavíkur.Leiðsögn fyrir Árskortshafa um nýjustu Erró sýninguna - 1001 nótt, sem verður opnuð í Hafnarhúsi laugardaginn 5. október.
Að lokinni leiðsögn verður skyggnst inn í listaverkageymslur safnsins, en þar er að finna fjölmörg verka Errós, sem hann gaf til Reykjavíkurborgar.
Árið 1989 tók Reykjavíkurborg við stóru safni, um 2000 verkum eftir listamanninn, auk skjala og annarra gangna sem hafa mikið gildi fyrir rannsóknir sem snerta listamanninn og samtíma hans. Safnið hefur vaxið jafnt og þétt síðustu árin og telur nú um 4000 listaverk. Errósafninu var fundinn staður í Hafnarhúsi og var gjöfin grunnur þess að Listasafn Reykjavíkur hóf starfsemi í húsinu. Sýningar úr safni Errós eiga sér þar fastan sess en með þeim er leitast við að gefa innsýn í ólíkar áherslur í verkum hans.
Árskort Listasafns Reykjavíkur veitir frían aðgang að öllum sýningum og viðburðum á vegum safnsins, nema annað sé tekið fram. Árskortið veitir einnig 10% afslátt í safnverslunum Listasafns Reykjavíkur og 5% afslátt á veitingastaðnum á Kjarvalsstöðum. Reglulega er boðið upp á sérleiðsagnir fyrir árskortshafa. Hægt er að kaupa árskort í móttökum safnhúsanna og í vefverslun.
→ https://bit.ly/4gmyPe8
Advertisement
Event Venue & Nearby Stays
Tryggvagata 17, 101 Reykjavík, Iceland, Tryggvagata 17, 101 Reykjavíkurborg, Ísland,Reykjavík, Iceland
