Name: XIV. Umhverfisþing 15.-16. september
Start: 2025-09-15T13:00:00+00:00
Location: Harpa tónlistar- og ráðstefnuhús / Harpa Concert Hall and Conference Centre

$XIV. Umhverfis\u00feing 15.-16. september$

XIV. Umhverfisþing verður haldið dagana 15. og 16. september í Silfurbergi í Hörpu. Meginþemu þingsins verða hafið, líffræðileg fjölbreytni og loftslagsmál.
Skráning þátttöku: https://forms.office.com/e/WHUAq2h1Dh
Með þinginu vill Jóhann Páll Jóhannsson, umhverfis-, orku- og loftslagsráðherra, efla hlustun og samtal við almenning, félagasamtök og hagaðila um umhverfismál, með áherslu á framangreind þemu. Umhverfisþingi er ætlað að ná fram uppbyggilegu samtali um viðfangsefni þingsins og skapa grundvöll að framhaldsvinnu stjórnvalda í málaflokkunum. Dagskráin verður því ýmist í formi vinnustofa, fyrirlestra og pallborðsumræðna.
Drög að dagskrá
15. september kl. 13-16
Jóhann Páll Jóhannsson, umhverfis-, orku- og loftslagsráðherra, setur þingið.
Thomas Halliday, fornlíffræðingur og höfundur bókarinnar Otherlands: A World in the Making.
Samtal við Höllu Tómasdóttur, forseta Íslands, um mikilvægi umhverfis- og loftslagsmála.
Afhending náttúruverndarviðurkenningar Sigríðar í Brattholti
Áhrifamáttur samtals – Hvernig eflum við samráð og samtal um loftslagsmál? Vinnustofa skipulögð af loftslagsktívistum.
16. september kl. 9:00 – 16:30.
Ocean – sýning á 20 mínútna útgáfu af myndinni Ocean með David Attenborough
Pallborð 1: Lífríki hafsins og vernd hafsvæða - pallborðsumræður um tengsl verndunar hafsvæða við þróun lífríki hafsins og auðlindir þess.
Pallborð 2: Skyldan til að vernda hafið - pallborðsumræður um framkvæmd hafverndar, árangursríka umhverfisvernd í hafi og lagalega þróun á því sviði.
Hádegishlé
Vinnustofa 1. Verndum líffræðilega fjölbreytni - hringborðsumræður um stefnu stjórnvalda um líffræðilega fjölbreytni og aðgerðaáætlun í málaflokknum.
Vinnustofa 2: Fyrsta loftslagsstefna Íslands - hringborðsumræður til að undirbyggja efnistök fyrstu loftslagsstefnu Íslands.
Jóhann Páll Jóhannsson, umhverfis-, orku- og loftslagsráðherra lokar þinginu.
Meðal annarra þátttakenda í þinginu eru:
Dr. Chris McOwen, sjávarlíffræðingur hjá Umhverfisstofnun Sameinuðu þjóðanna (UNEP).
Dr. Anna von Rebay, málsvari og lagalegur ráðgjafi og forstjóri og stofnandi Ocean Vision Legal.
Dr. Sian Prior, sjávarlíffræðingur. Prior hefur starfað fyrir og veitt ráðgjöf til fjölda umhverfisverndar- og hafverndarhópa, m.a. Clean Arctic Alliance.
Rui Martins, héraðsstjóri hafmála á Azoreyjum (Regional Director for Ocean Affairs).
Dr. Guðbjörg Ásta Ólafsdóttir forstöðumaður rannsóknarseturs Háskóla Íslands á Vestfjörðum.
Dr. Snorri Sigurðsson, líffræðingur og sviðsstjóri náttúruverndar, Náttúrufræðistofnun.
Björn Helgi Barkarson, umhverfisfræðingur og skrifstofustjóri umhverfis-, orku- og loftslagsráðuneytinu.
Dr. Snjólaug Árnadóttir, dósent og doktor í hafrétti við Háskólann í Reykjavík.
Öll eru velkomin, en skrá þarf þátttöku í þinginu fyrirfram. Hlutar dagskrár verða einnig aðgengilegir í beinu streymi. Athygli er vakin á að skrá þarf sérstaklega þátttöku í pallborðsumræðum og hverri vinnustofu fyrir sig.