Advertisement
Víðavangshlaup ÍR 2025Búið er opna fyrir skráningu í 110. Víðavangshlaup ÍR sem fram fer samkvæmt venju á Sumardaginn fyrsta, þann 24. apríl næstkomandi en hlaupið er einnig Íslandsmótið í 5 km götuhlaupi eins og undanfarin ár.
Hlaupið fer fram í samstarfi við okkar öflugu styrktaraðila; Nivea, Sportvörur og Lindex.
Víðavangshlaupið er eitt vinsælasta og fjölmennasta 5 km keppnishlaupið sem fram fer á Íslandi enda er hlaupið í hjarta Reykjavíkurborgar þar sem hlaupaleiðin liggur um miðbæ hennar. Í fyrra luku 464 hlauparar keppni!
Samhliða Víðavangshlaupinu fer fram 2,5 km skemmtiskokk sem hentar vel byrjendum og fjölskyldunni saman, ungum sem öldnum og má segja að fátt eigi eins vel við og að fagna sumarbyrjun með þátttöku í Víðavangshlaupinu.
Víðavangshlaup ÍR verður ræst í Lækjargötu á Sumardaginn fyrsta, 24. apríl kl. 12:00. Skemmtiskokkið er ræst aðeins seinna eða kl. 12:10 í Lækjargötunni. Þátttakendur og áhorfendur eru hvattir til þess að mæta tímanlega á keppnisstað og hafa hugfast að það getur tekið tíma að leggja bílum í miðbæ borgarinnar á þessum degi.
Skráning er hér: https://netskraning.is/vidavangshlaupir/skraning.php
Nánari upplýsingar um hlaupið og skráning er á heimasíðu hlaupsins.
* Skráning á vefnum er opin til 11:00 á hlaupdag.
* Forskráðir geta sótt gögnin sín í Sportvörur, Dalvegi 32a Kópavogi, 23. apríl á milli kl. 12:00 og 18:00. Þar verður einnig hægt að skrá sig til þátttöku.
*Afsláttur af skráningargjaldi er veittur til og með 10. apríl og gildir almennt gjald frá 11. apríl. Þátttökugjaldið hækkar einnig á hlaupdegi.
Verðlaunaafhending fer fram við marksvæðið skömmu eftir að fyrstu þrjár konur og þrír karlar eru komin í mark, áætlað um kl. 12:20.
Við hlökkum til að sjá ykkur sem allra flest á Sumardaginn fyrsta í miðbænum
Advertisement
Event Venue & Nearby Stays
Lækjargata 14, 101 Reykjavíkurborg, Ísland, Lækjargata 14, 101 Reykjavíkurborg, Ísland,Reykjavík, Iceland
