Advertisement
Ibada ya kila siku na Mchungaji Paul Rika Mkurugenzi wa KimataifaTAREHE: ALHAMISI FEBRUARI 5, 2026
MADA: UBATIZO WA ROHO MTAKATIFU UNASHIRIKA KWA KUNENA KWA LUGHA.
ANDIKO: MATENDO 2:1-4
1. Hata siku ya Pentekoste ilipotimia, wote walikuwako pamoja mahali pamoja.
2. Ghafla kukaja uvumi kutoka mbinguni kama uvumi wa upepo mkali unaovuma, ukaijaza nyumba yote waliyokuwa wameketi.
3. Nao wakaonekana ndimi zilizogawanyika kama za moto, zikawa juu ya kila mmoja wao.
4. Wote wakajazwa Roho Mtakatifu, wakaanza kusema kwa lugha nyingine, kama Roho alivyowajalia kutamka.
MSTARI MUHIMU: MATENDO 2:4 Wote wakajazwa Roho Mtakatifu, wakaanza kunena kwa lugha, kama Roho alivyowajalia kutamka"
Ubatizo na Karama za Roho Mtakatifu. Biblia inatuambia, ni akili ya Mungu, hamu ya Mungu, kwamba wote waliomwamini Kristo Yesu wabatizwe kwa Roho Mtakatifu. Watoto wote wa kweli wa Mungu wana Roho wa Kristo ndani yao, ambaye ni Roho Mtakatifu. Lakini kwa kusudi la huduma ya Kikristo na kunena kwa lugha, (Yaani kusudi kuu katika Karama mbalimbali ni kwaajili ya huduma) .Mungu anaahidi kila mwamini ubatizo wa Roho Mtakatifu. Uzoefu huu humpa mwamini nguvu zaidi kwa ajili ya huduma ya Kikristo. (Luka 24:49)
Mwamini aliyebatizwa kwa Roho hunena kwa lugha kwa msukumo wa Roho Mtakatifu kama ushahidi kwamba amepokea ubatizo wa Roho Mtakatifu. Kunena kwa lugha ni uandalizi wa Mungu kwa mwamini ili kuimarisha na kuongeza nguvu zake za maombi.
Mwombe Mungu kwa bidii ubatizo wa Roho Mtakatifu. Omba kwa bidii hadi utakapojikuta unanena kwa lugha kwa msukumo wa Roho Mtakatifu (usifanye kwa kujiigiza ). Kumbuka hili, kwa sababu ya uwepo wa Roho Mtakatifu ndani ya mwamini na kwa sababu ya nguvu ya neno la Mungu na nguvu ya jina la Yesu, mwamini ambaye bado hajabatizwa na Roho Mtakatifu, bado ana kipimo cha nguvu ya Mungu.
Na wanaweza kufikia utakatifu na mbinguni. Wapo watu wataweza kuwaambia kwamba hujabatizwa kwa Roho Mtakatifu wala huneni kwa lugha ,basi wewe si Mkristo. Hilo si kweli. Ni nini kinachomfanya mtu azaliwe mara ya pili? Mtu anawezaje kuwa Mkristo bila Roho Mtakatifu ndani yake? Ni nini kinachomfanya awe Mkristo basi? Biblia inasema ni kwa Roho Mtakatifu.
Neno la Mungu linawakilisha maji. Kuzaliwa kwa maji huzungumzia matumizi ya neno la Mungu linalotumiwa na Roho Mtakatifu, mwakilishi mkuu wa wokovu, ili aweze kuishi maisha mapya ndani ya mwenye dhambi, ili awe mwenye haki. Muumini tayari ana roho ya Mungu ndani yake. Warumi 8:9. Lakini ninyi hammo katika mwili, bali katika roho. Ikiwa roho ya Mungu inakaa ndani yenu. Basi, mtu awaye yote asiye na Roho wa Kristo, huyo si mmoja wa wake.
Wazo la siku: Ongozwa na neno la Mungu
Wimbo wa siku: Nguvu ya Roho Mtakatifu, Nguvu zinishukie, kama ilivyokuwa siku za Pentekoste.
Usomaji wa Biblia kwa siku hiyo: Mambo ya Walawi 24-25
Advertisement
Event Venue
Kisutu, Dar es Salaam, Tanzania
Tickets
Concerts, fests, parties, meetups - all the happenings, one place.
