Advertisement
Í ljósi þess að Borgfirðingar munu ekki fá hina árlegu Barafest í byrjun október þetta árið, þarf fólk þó ekki að örvænta, því það verður gigg í Grímshúsi þann 4.október! Ekki seinna vænna en að taka daginn frá.Svo virðist sem öllum og ömmum þeirra þyki líf einhleypra á stefnumótaforritum, mjög áhugavert. Sérstaklega þeim sem ekki lifa og hrærast í þeim heimi. Hér gefst kjörið tækifæri til að skyggnast inn í þennan undarlega menningarkima. Lærðu að ghosta, forðast skuldbindingar, þekkja græn flögg frá rauðum, fara undan í flæmingi, sveima í kringum fólk á samfélagsmiðlum og almennt hræðast tilfinningar, mörk og átök!
Sigrún, sem nýlega gaf út bókina Dagbók miðaldra unglings hjá Storyel, sannfærði tónlistarfólkið Hönnu Ágústu og Jón Snorra að það væri frábær hugmynd að blanda saman sögum úr deitlífi og tónlist og þau létu blekkjast. Rétt eins og ég vona að allir aðrir munu gera.
Við fengum snillinginn hana Steinunni Þorvaldsdóttur ljósmyndara til að smella af okkur óteljandi myndum í Englendingavík og munum dæla þeim út á næstunni, ykkur til ómældrar gleði.
Viðburðurinn er styrktur af Menningarsjóði Borgarbyggðar og Uppbyggingasjóði Vesturlands.
Advertisement
Event Venue & Nearby Stays
Grímshús, Bjarnarbraut 11, 310 Borgarbyggð, Ísland, Reykjavík, Iceland
