Advertisement
Undanfarið hafa margar sögur komið fram um hræðilegt ofbeldi sem börn urðu fyrir í vistun á Bakkakoti. Sú umfjöllun og umræða um fósturmál í framhaldinu hefur hreyft við mörgum og þá sérstaklega okkur fósturforeldrum.Samfélagsumræða um þessi efni geta vakið upp erfiðar og flóknar tilfinningar eða jafnvel spurningar. Sum okkar eru einnig að annast börn sem hafa sjálf upplifað ofbeldi eða vanrækslu og því getur umræðan verið “triggerandi”, bæði fyrir okkur og börnin. Því er mikilvægt að við sem samfélag fósturforeldra stöndum saman og séum til staðar fyrir hvort annað.
Í ljósi þess býður Félag fósturforeldra félagsfólki sínu til samveru, samtals og hóphandleiðslu í Mannréttindahúsinu, Sigtúni 42, mánudaginn 23. mars klukkan 20:00.
Við viljum endilega fá sem flest til að mæta í persónu en einnig verður fjarfundur fyrir þau sem kjósa að taka þátt heiman frá sér. Fjarfundarhlekkur verður sendur félagsfólki í tölvupósti og gerður aðgengilegur á lokuðum hóp félagsins. Boðið verður upp á léttar veitingar á staðnum.
Með okkur verður Guðbrandur Árni Ísberg, sálfræðingur og sérfræðingur í klínískri sálfræði, sem mun leiða samtalið. Hann mun taka á móti spurningum, hlusta á hvað brennur á ykkur og ræða hvernig hægt sé að vinna úr þeim tilfinningum sem kunna að vera að vakna, bæði hjá fósturforeldrum og börnum sem þau annast.
Guðbrandur hefur víðtæka reynslu. Hann hefur sinnt handleiðslu fyrir ýmsar fagstéttir, hefur unnið með börnum sem hafa upplifað ofbeldi og vanrækslu, foreldrum þeirra og öðrum sem koma að þeirra málum og þekkir vel til veruleika fósturforeldra.
Stjórnarfólk félagsins verður einnig á staðnum og mun veita innsýn í þau samtöl og vinnu sem félagið hefur þessar mundir við stofnanir og stjórnvöld.
Við vonum að þið sjáið ykkur fært að koma - til að hlusta, deila, eða einfaldlega njóta samveru þar sem skilningur og stuðningur er til staðar.
Advertisement
Event Venue
Mannréttindahúsið, Sigtún 42,Reykjavík, Iceland
Tickets
Concerts, fests, parties, meetups - all the happenings, one place.
