Advertisement
Verið hjartanlega velkomin á sýningaropnun Söru Björnsdóttur í Gryfju þann 17. janúar næstkomandi kl. 15–17. Í myrkri verða útlínur hluta, landslags og fólks óljósari og skynjun okkar á veruleikanum tekur breytingum. Hugmyndir kvikna og hið kunnuglega fær nýja merkingu. Í verkum Söru Björnsdóttur er myrkrið ekki aðeins sjónrænt ástand heldur einnig tilvistarlegt rými sem tengist reynslunni af því að vera manneskja.
Listakonan vinnur með ólíkar birtingarmyndir myrkursins – umlykjandi, spennandi og heillandi heim sem hefur í gegnum tíðina verið listafólki mikil andagift. Eins og hún orðar það sjálf: „Að geta horfið inn í myrkrið, látið það umlykja sig og verða ósýnileg er frelsandi.“
Verkið Skíma er staðbundin hreyfimynd og er tíunda verkið í röð staðbundinna hreyfimynda sem Sara hefur unnið að síðastliðin 25 ár.
Hlökkum til að taka vel á móti þér, á laugardag frá kl. 15-17.
Advertisement
Event Venue & Nearby Stays
Freyjugata 41, 101 Reykjavík, Iceland, Freyjugata 41, 101 Reykjavíkurborg, Ísland, Reykjavík, Iceland
Concerts, fests, parties, meetups - all the happenings, one place.
