Advertisement
Það er mikilvægt fyrir öll þau sem starfa með börnum og unglingum að vera meðvituð um skyldur sínar og ábyrgð, að geta lesið í vísbendingar um að vanræksla eða ofbeldi, hvort sem það er andlegt, líkamlegt eða kynferðislegt, eigi sér stað og vita hvernig bregðast á við ef slík mál skjóta upp kollinum.Æskulýðsvettvangurinn hefur frá árinu 2010 staðið fyrir námskeiðinu Verndum þau. Námskeiðið er byggt á efni samnefndrar bókar og fjallar um hvernig bregðast á við grun um ofbeldi og vanrækslu gegn börnum og ungmennum. Námskeiðið er ætlað öllum þeim sem starfa með börnum og ungmennum og öðrum áhugasömum.
Í bókinni er fjallað um alla þessa þætti á aðgengilegan hátt og lesendur eru upplýstir um eðli og birtingarmyndir ofbeldis og vanrækslu, auk þess sem gerð er grein fyrir ferli mála af þessu tagi hjá barnaverndaryfirvöldum og innan dómskerfisins.
Annar höfundur bókarinnar, Þorbjörg Sveinsdóttir, sálfræðingur, sér um kennslu á námskeiðinu.
Á námskeiðinu er m.a farið yfir:
• Tilkynningaskyldu starfsmanna sem vinna með börnum og unglingum.
• Líkamlegt, andlegt og kynferðislegt ofbeldi og vanrækslu hvers konar.
• Hvernig taka skuli á móti ofbeldisfrásögn.
• Reglur í samskiptum við börn og ungmenni.
• Ýmis atriði sem gott er fyrir vinnuveitendur að hafa í huga.
• Úrræði sem í boði eru í samfélaginu fyrir börn og unglinga sem eru þolendur ofbeldis.
Þau félög sem mynda Æskulýðsvettvanginn gera þá kröfu að starfsfólk og sjálfboðaliðar sem starfa með börnum og ungmennum hafi sótt Verndum þau námskeið.
Skráning á námskeiðið fer fram hér: https://www.aev.is/skraning-a-namskeid
Advertisement
Event Venue & Nearby Stays
Hraunbær 123, 110 Reykjavík, Iceland, Hraunbær 123, 110 Reykjavíkurborg, Ísland, Reykjavík, Iceland
Tickets
Concerts, fests, parties, meetups - all the happenings, one place.
