Advertisement
Á sýningu prjónaveturs á HönnunarMars verða sýndar prjónavörur sem hafa verið hannaðar og framleiddar á Íslandi síðustu 20 ár en tímabilið hefur einkennst af áhrifum skapandi greina og nýsköpunar, samstarfi hönnuða og listamanna við íslenskar prjónaverksmiðjur.Miklar sviptingar hafa átt sér stað síðustu ár í íslenskum prjónaiðnaði. Þörf er á umræðu um varðveislugildi hans og möguleikum í nýsköpun. Íslenskir hönnuðir með sjálfbærni að leiðarljósi hafa í samstarfi við prjónaverksmiðjur hérlendis framleitt margar af þekktustu hönnunarvörum landsins og hluti þeirra hafa náð heimsathygli.
Í kjölfar opnunar sýningar á HönnunarMars verður efnt til málþings þriðjudaginn 8. apríl klukkan 15:30 þar sem ýmsir aðilar með reynslu og þekkingu af prjónahönnun og -framleiðslu koma saman. Markmið málþingsins er að varpa ljósi á kosti og galla þess að framleiða hérlendis, rætt verður um framtíðarmöguleika prjónaframleiðslu á Íslandi og einnig hvað mikilvægt er að varðveita. Rætt verður um ullina sem hefur fylgt okkur frá landnámi og má segja að fyrstu spuna- og prjónaverksmiðjur hafi í raun verið í baðstofum í torfbæjum, þar sem allir höfðu sitt hlutverk við að skapa verðmæti úr gullinu okkar, íslensku ullinni.
Takmarkaður sætafjöldi verður á málþinginu og til þess að tryggja sætapláss í sal er mikilvægt að senda tölvupóst á [email protected].
Prjónavetur í Listasafni Sigurjóns er unnið í samstarfi við Listasafn Sigurjóns í Laugarnesi veturinn 2024 - 2025 og hlaut styrk úr Hönnunarsjóði.
Umsjón með verkefni: Andrea Fanney Jónsdóttir
Sýningarsjóri: Brynhildur Pálsdóttir
Unnið í samstarfi við Vík Prjónsdóttir, MAGNEA og Ýrúrarí
Advertisement
Event Venue & Nearby Stays
Listasafn Sigurjóns í Laugarnesi, 105 Reykjavík, Iceland, Nóatún 15, 105 Reykjavíkurborg, Ísland,Reykjavík, Iceland
