Name: Morgunbollinn – Streita og bjargráð með Kristínu Þóru Haraldsdóttur
Start: 2026-04-09T10:00:00+00:00
End: 2026-04-09T11:00:00+00:00
Location: Sigtún 42, 105 Reykjavík, Iceland

$Morgunbollinn \u2013 Streita og bjargr\u00e1\u00f0 me\u00f0 Krist\u00ednu \u00de\u00f3ru Haraldsd\u00f3ttur$

Morgunbollinn – Streita og bjargráð með Kristínu Þóru Haraldsdóttur.
Þann 9. apríl kl.10:00-11:00. Heitt á könnunni frá kl.9:30.
Leikkonan Kristín Þóra Haraldsdóttir blandar saman uppistandi, einleik og einlægni í áhrifaríkum fyrirlestri um lífið, álagið og streituna sem fylgir því einfaldlega að vera manneskja.
Í fyrirlestrinum „Streita og bjargráð“ fjallar hún af hreinskilni og húmor um eigin reynslu af kulnun – þegar líkaminn sagði stopp árið 2022 og ekkert annað var í boði en að hlusta. Hún segir frá því hvernig hún lærði að þekkja viðvörunarmerkin, takast á við skömmina sem fylgdi og horfast í augu við þá staðreynd að hún gæti ekki haldið áfram á sama hraða.
Með hlýju og beinskeyttum húmor ræðir Kristín hvernig skömmin getur haldið fólki föstu í þögn, en líka hversu algeng kulnun er í raun og veru. Hún deilir þeim bjargráðum sem hafa nýst henni best: að hugsa lífið í tímabilum, taka einn dag í einu og passa að álag fái mótvægi í hvíld.
Þetta er fyrirlestur sem vekur bæði hlátur og eftirtekt. Hann er fyrir öll sem finna fyrir álagi, hafa upplifað kulnun eða vilja læra að hlusta betur á eigin mörk.