Advertisement
LoVERAve ДВОДНЕВЕН ФЕСТИВАЛ
20 и 21 март 2026 година,
Младински културен центар, Скопје
LoVERAve Neon Bloom / ДЕН ПРВИ / 20 МАРТ 2026 /
СЦЕНА 1 / Dancing сала МКЦ / старт 18 ч.
*дозволено е присуство на малолетници до полноќ во петок на првата вечер
"When all are one, and one is all. To be a rock and not to roll"
Првиот ден на LoVERAve Neon Bloom е за бендови и артисти што се во нагорна линија на цутење и кои веќе имаат свој карактеристичен звук и печат. LoVERAve верува во сцената која немора да биде тренд но мора да биде искрена и добра.
И овој LoVERAve фестивал ја носи идејата за поврзување на сцените и генерациите, па така, повторно ќе имате прилика покрај свежите звуци и лица, да чуете и видите некои изведувачи кои се подолго време со нас.
18.00 - 19.00 Журка со македонска музика
19.00 – 19.30 - CRUEL
Рековме дека слободата не е удобна. Во Котур ја почувствувавме. Cruel доаѓа на Neon Bloom во МКЦ. Повеќе простор. Повеќе луѓе. Повеќе слобода. Ако беше таму – знаеш што те чека. Ако не беше – сега е моментот.
19.40 – 20.10 - TMUR
Тмур е доом/стонер дуо од Скопје. Бендот го сочинуваат Анис Османивиќ на бас гитара (ex Mrsha, Sunneater) и Кристијан Новковски (Strog Post, Palindrom, The Local Blue, Svetlost, Kallbula...) на тапани. Наскоро го објавуваат својот прв албум „Пустохија“
20.20 – 20.50 - THE OОZ
The Ooz е бенд од четири члена: Марко Вилиќ и Петар Марковиќ на гитари, Андре Игатовски на бас и Симон Палитов на тапани. Бенд кој излезе од дома и влезе во скопските гаражи. Сонично ја претставуваат психоделичната монотонија на нивното секојдневие. Гласно и хаотично си играат со комбинацијата на психоделија, нојз рок и пост панк.
20.50-21.20 – PERSEIDA
Персеида е македонски shoegaze бенд чија музика се движи меѓу сонот и стварноста. Нивниот звук е густ и меланхоличен, изграден врз бујни гитарски слоеви, нежни вокали и пулсирачки ритмови. Стремежот на нивната музика е да се претвори болката во убавина и дисторзијата во хармонија.
21.30 – 22.00 - GOLEMATA VODA
Големата Вода е четири член бенд формиран во 2024 година. Фокусирани на носталгија и хаос, сѐ тоа на што градот ги потсетува, го леат во гласни текстови, хипнотички рифови и подвижни ритми.
22.10 – 22.40 - ILIJA И ДИВИТЕ
Многу добри песни во изминатите три години. Некои на јутуб, a повеќето сеуште во гаража. Младост, енергија, но и јасна слика за тоа каде живеат. Искрена, младешка визија за подобар свет со храброст и непоколебливост.
22.50 – 23.20 - KARMA SCALE
Karma Scale е македонски металкор бенд што носи нов звук на алтернативната сцена со уникатен пристап и енергија. Секоја песна носи изненадување – од сурова агресија до длабоки мелодии и заразни грувови, привлекувајќи ја и најпребирливата публика. Иако млади, настапуваат на врвни фестивали како Hills of Rock 2026, оставајќи силен впечаток со сценско присуство и емоција. Со новиот сингл „Cut through fate“, ja прошируваат визијата рушејќи ги границите на металкорот со свежина, иновација и автентичност.
23.30 – 00.00 – KATRAN
Старци со нов проект кој звучи предобро. Членови на Санс, Орион, Трачери, Далтонс и многу други ). Албумот се печати.
+ DJ INDOG ќе пушта внимателно одбрана македонска музика на почетокот на вечерта и помеѓу настапите на бендовите.
Индог е илустратор, радио водител и музички селектор кој црпи инспирација од субкултурата, слободата на подиумите, ерата на тек хаус музиката и летото на љубовта во Скопје.
Со 25-годишно искуство во областа на дизајнот, радио и промоција на културата, тој сè уште го бара совршениот термин за да го инкапсулира сето она што го прави, но ужива во секој момент од тоа. Во 2020 година, тој го започна подкастот „Celebrate Life“, мотивиран одпандемијата за да иницира дискусии за Важноста на свеста за менталното здравје. Како љубител на винил, тој презентира широк спектар на музички жанрови, од џез и хаус до диско панк“.
СЦЕНА 2 / Клуб МКЦ / HIP HOP револуција
ЗЕЛЕНАТА ЗОНА + JUNGLE еуфорија
Тука нема класичен lineup.
Артистите сами ја креираат целата вечер: како ќе тече, со кого ќе споделат сцена и кого ќе повикаат како изненадување. Сè се гради во моментот - заеднички, слободно, без однапред зададен ред.
18.00-20.00 Jungle/freestyle журка
ДАРЕ & ЏЕКОВ
Најмладите учесници на фестивалот
20.00 - 00.00 официјална ХИП ХОП програма со Jungle dj слалом на крајот на вечерта
*Aртистите се наредени без редослед
BAGZI
Bagzi – Благој Шикоски, познат под уметничкото име BAGZI, е хип-хоп артист, текстописец, изведувач и диџеј. Активен од 2015 година, тој изгради значајно присуство на музичката сцена преку организација на бројни настани и настапи во живо низ Македонија, како и во Флорида, САД. Љубовта кон музиката и хип-хоп културата ја негува уште од најрана возраст, а по 2015 година за првпат започнува активно да снима рап и хип-хоп. BAGZI е препознатлив по својот специфичен музички стил кој комбинира модерен R&B и хип-хоп звук, инкорпорирајќи елементи од олд-скул музиката од 80-те, 90-те и 2000-те години. Познат е по своите енергични настапи како хип-хоп артист – рапер, изведувач и диџеј. Воедно е автор на повеќе оригинални синглови, меѓу кои: „Zhal za eftina“ (ft. PUKA KOZMETIKA), „Shto mi pravish ti“, „Na pod“, „Rapov“ (ft. Meckarov), „Drunk n’ Bells“, „Astalavista“... Песните се снимени и продуцирани во MWP - Mecka Warrior Production.
MECHKAROV
Наум Долоски - Мечкаров е рап артист и продуцент роден 1988 година во Охрид. Со хип-хоп културата се запознава уште во 2000 година, кога заедно со уште четворица членови ја формира својата прва група Резигнација. Иако активни само една година, зад себе оставаат демо-андерграунд издание и активно учество во урбаната сцена преку скејт и графити културата. По распаѓањето на групата, во 2001 година Meckarov заедно со Maca MF ја основа рап групата BAD CONTRACT, која го издава албумот „BC Generacija“ и неколку локални хитови. Групата прераснува во култно име во охридската хип-хоп сцена, со бројни настапи и силно присуство во андерграунд движењето. Со потпишувањето договор со Lt produkcija, BAD CONTRACT ја реализира емисијата „Кој си и што си“, во која учествуваат артисти и групи од цела Македонија, со фокус на недоволно експонираната андерграунд сцена. Преку оваа платформа се отвора простор за соработка и вмрежување со многу македонски музичари. Денес, Meckarov делува како соло артист но и како активен член на BAD CONTRACT. Од 2018 година наваму соработува со Bagzi, претставник на новиот бран на македонскиот рап. Во својата кариера има повеќе хит-синглови и значајни соработки, меѓу кои се: ALKOHOLIKA, SRCETO NA LAVOT, ALO (ft. Young Palk & Gazda Paja), RAPOV (ft. Bagzi), DUPNI ME JAKO, PANAMA (ft. Noki) и ZHAL ZA EFTINA (ft. Puka Kozmetika). Покрај сценската активност, Meckarov е ангажиран во неговото студио MWP – MECKA WARRIOR PRODUCTION
KRAFI
Крафи е рап артист со амбиција рап звукот да допре до сите како број 1 на овие простори. Првата официјална трака му е фристајл, а препознатлив на сцената е со неговиот хит -23.
KOLO
Коло сака да пренесе порака која допира до слушателот, рапувајќи за животот кој го живее и околината во која е пораснат.
KLINIKA
Клиника е рап група формирана од Крафи и Коло. Премиерно оваа година ќе издадат прв сингл кој је ја обележи нивната соработка. Клиниката за Крафи и за Коло е многу повеќе од група, таа за нив е почеток на нивната раперска иднина.
ZABATA
https://www.instagram.com/_zabataa
Жабата е млад рапер од Карпош 3, Скопје, кој преку својата музика зборува за својата реалност и раскажува искуства што го обележуваат како дете во ова време. Пред сè, тој е спремен да помогне секому, без разлика на цената.
Oleg
https://www.instagram.com/koje0leg
Млад и жанровски флуиден артист кој започна со моќни трап изданија, а веќе го проширува својот звук кон мелодично пеење инспирирано од модерниот поп. Во неговата музика се спојуваат трап енергијата, R&B емоцијата и поп сензибилитетот, создавајќи атмосфера што потсетува на современиот светски звук. Со искрен вокал, заразни рефрени и урбана естетика, тој носи свеж бран на сцената и ветува настап што лесно преминува од тврди битови во емотивни мелодии.
DRE
Aндреј Јовановиќ Дре, доаѓа од Прилеп. Талентиран музичар, продуцент и ем си кој оваа година работи на издавање на својот прв албум. Дел од колективот "Зелена Зона", басист во "Brooka" и гитарист во "Public Band" има соработки со Пука Козметика, Дејви, Рибио, Tonyo San и многу други макeдонски артисти.
OS PORTERO
Портеро е млад и перспективен артист кој доаѓа од скопската рап сцена. Со рапот активно се дружи веќе шест години, а во тој период издал два соло албуми. Од 2024 година, станува официјален член од колективот „Зелена Зона“. Неговата креативност продолжува со полна пареа, па во блиска иднина најавува нов проект. Станува збор за заедничко EP со рап артистот Дре од Прилеп.
UZI
Узи е единствениот емси од Ново Лисиче во ова време/невреме. Инспирира од 2018, достоен на олд скул рапот, нафуран на себе па на сите. Со два албума зад себе остава уникатен траг во звукот на македонскиот рап.
TRIM
ТриМ - рап артист од Скопје кој е дел од групата ДСШ и од колeктивот Зелена зона. До сега има соработувано со повеќе македонски артисти и настапувано во повеќе градови низ Македонија, како и на неколку локации во Србија, Босна и Херцеговина и Косово.
DSSH
ДСШ - рап група од два артисти ТриМ и Узи. Работат на издавањето на првиот албум. До сега имаат настапи во различни градови низ Македонија како и низ Балканот.
HYPER TECH
Од своите почетоци кон крајот на 90-те, Димитар Ризов, познат како HyperTech, е име кое заслужено држи значајно место на домашната драменбејс сцена. Како еден од основачите на колективите D2, BTKRSH и Funky Fresh, клупската ноќ Bassive и Ехо Од Далечното Минато, а воедно и основач на првото драменбејс шоу „Liquid Kitchen“ кое се емитуваше на Канал 103, секоја сабота цели 17 години. Со суптилна комбинација од drum’n’bass и jungle преку џез, фанк и диско, низ годините тој има бројни свои резиденции и настапи на фестивали низ Македонија, Балканот, Швајцарија и Италија, каде што ја делел сцената со артисти како што се: Roni Size, Grooverider, Black Sun Empire, Calyx & TeeBee, dBridge, Spectrasoul, Shackleton, Seba, Blu Mar Ten, Big Bud, Nookie, Dub Phizix & Strategy, DJ Vadim, DJ SS, Cause4Concern, JFB итн. Тој е постојано активен и се стреми кон нови пресвртници во музиката.
DARKO STEPIC
Дарко Степиќ е еден од основачите на промотерската и DJ организација, D2, која е заслужна за голем број на гостувања на странски Drum and Bass артисти во Македонија. Во текот на неговата 25 годишна кариера настапувал во Бразил, Германија, Швајцарија, Италија, Унгарија, Грција, Романија, Бугарија, Србија, Хрватска, Босна...Настапувал заедно со Roni Size, MC Tali, Prodigy, Grooverider, Freestylers, Black Sun Empire, Noisia, Blu Mar Ten, Calyx & Teebee, DJ SS, DJ Storm, Cause4Concern, Chris.SU, Drumsound, Optiv, BTK, Seba, Physics, Vicious Circle, June Miller, SPY, TC, DJ Empress, Big Bud, Nookie, Eveson, Telekinesis, Linden, Teddy Killerz, SpectraSoul, Bungle, DJ Spice, Camo&Crooked, Wildchild, Paul B, Disphonia, Felix K, Raggamuffin Whiteman, Balkansky, High Roll, Hectix, Toni Bassi, JFB, Treo, L33... Во 2002 година во конкуренција на 1600 DJ-и и продуценти избран е да биде дел од Red Bull Music Academy во Сао Пауло, Бразил. Долгогодишен водител на првата Drum and Bass радио емисија во Македонија, Течна Кујна на Канал 103
------------------------------------------------------------------
LoVERAve Neon Bloom / ДЕН ВТОРИ / 21 МАРТ 2026 /
Вториот ден на LoVERAve Neon Bloom e продолжение на ноќта што не сакала да заврши. Ноќ за вистинска клаберска публика. Се делиме на два стејџа – техно и транс. Два различни правци, иста намера: движење без прекин. Две сцени, две струи. Tехно што те држи на земја и транс што те носи над неа. За моментите кога сакаш малку да се изгубиш, онолку за да се најдеш повторно.
СЦЕНА 1 техно / Клуб МКЦ / старт 19 ч.
19.00-20.30 MELANI DIGIT
Мелани Дигит е диџејка со база во Скопје. Нејзините еклектични сетови вклучуваат стилови како techno, house, electronic и synth wave. Како продуцентка има изданија за португалскиот лејбл Underdub records и австралијанскиот лејбл Arithmetic loop. Има настапувано на разни настани и клубови тука но и во Грција, Косово, Албанија, Португалија и Малта.
20.30-21.30 МАЦИ СТОЈАНОВИЌ
Роден во Скопје, Марјан Стојановиќ - Маци е дел од втората генерација македонски техно диџеи. Активен уште од крајот на 90-тите, настапувал во речиси сите клучни клубови во земјава, како и низ регионот - Србија, Албанија, Бугарија. Неговиот пристап секогаш се менува и освежува. Во сетовите се движи слободно - од deep house до funky techno - со чувство за динамика и тек што природно ја води публиката низ ноќта. Во неговите настапи тој внимателно го гради моментот и знае точно кога да го засили пулсот на подиумот. Инспирација наоѓа насекаде, но често се навраќа кон корените на house музиката и чикашката сцена. Неговите сетови се еклектични, но секогаш кохерентни - создаваат простор каде што луѓето се чувствуваат удобно, опуштено и поврзано. Во својата кариера настапувал покрај имиња како Derrick May, Los Hermanos, Juan Atkins, Santiago Salazar, Kenny Larkin, Deetron, Mark Flash и Underground Resistance - искуство што дополнително го обликува неговиот препознатлив звук и присуство.
http://www.mixcloud.com/sektor909/tamara-maci-opening-party-sektor-909-8062011/ http://www.mixcloud.com/sektor909/maci-warm-up-for-juan-atkins-sektor-909-01072011/ http://www.mixcloud.com/sektor909/maci-sektor-909-20112010/
https://www.facebook.com/maci.stojanоvic
21.30- 22.30 NASTY DELUXE
Nasty Deluxe (City of Drums Black Label) е реномиран диџеј и продуцент со база во Охрид, со препознатлив звук кој спојува Melodic House, Progressive House, Peak Time Techno и Downtempo. Со долгогодишно искуство на европската и балканската сцена, тој ја гради својата репутација преку енергични сетови, длабоки грувови и професионален пристап кон секој настап. Nasty Deluxe е дел од музичкото семејство на City of Drums Black Label и останува верен на мисијата да создава музика што ги поврзува умот, телото и душата.
22.30-23.30 THE ELECTRONIC ADVANCE (GERMANY)
Mathias Teichmann, познат како The Electronic Advance, е техно live act и продуцент од Минхен. Неговиот звук спојува неуморно peak time техно и acid со суптилни мелодични влијанија, создавајќи сетови што се градат трпеливо, а удираат директно.
Со хипнотични синтови, сурови acid линии и цврст, пулсирачки кик, тој носи енергија што го држи подиумот во постојано движење. Настапува во живо, но не со класичен DJ сет, туку со процес што се случува пред публика, со вистинска динамика и напон.
Активен уште од 90-те (првично под името No-Vation), денес зад себе има изданија за Phuture Wax Records, Babiczstyle и City of Drums Black Label, како и ремикси за артисти како Tom Wax и Chris Maico Schmidt. Неговиот звук е препознатлив, директен и длабок.
23.30-00.30 ГОРАН КАН
Горан Керкез (Кан) е роден во Белград, живее и твори во Скопје. Тој е електронски артист, композитор и саунд дизајнер со повеќе од две децении активна сцена зад себе. Кариерата ја започнува кон крајот на 90-те, истражувајќи house и techno, а во 2001 ја добива својата прва резиденција во скопскиот клуб „Havana“, што му го отвора патот кон поголеми фестивали и интернационални сцени како EXIT и Tresor во Берлин. Објавувал и ремиксирал за етикети како Soma, Minisketch, Primal Force, Flux, SAF и Impact Mechanics, а ги основа и сопствените Kerkez Music и KZM Tracks. Неговиот звук е резултат на долг процес: клубско искуство, студиска дисциплина и постојана еволуција. Од 2016 наваму сè повеќе се насочува кон саунд дизајн и филмска музика, работејќи на над 40 филмски и документарни проекти. И покрај тоа, останува присутен на подиумот како ветеран на локалната сцена што директно учествувал во нејзиното обликување.
00.30-02.00 14x14
https://soundcloud.com/user-594185172/sets/podcastss
Нови но најдобри од новите технаџии. 150 BPM за кршење.
14x14 е креативен проект на двајца млади диџеи, воден од експеримент, контраст и заедничка интуиција. Нивната музика се гради како дијалог помеѓу емоција и структура, светло и сенка, контрола и пуштање. Проектот почива на синергија на две различни перспективи кои постепено се спојуваат во еден заеднички жив идентитет. Звукот им е атмосферичен, со повторувања и суптилна тензија што тивко расте. Наместо формули 14x14 градат простор. Простор во кој слушателот може да го забави својот ритам, да влезе подлабоко и да чувствува.
СЦЕНА 2 транс / Dancing сала МКЦ / старт 19 ч.
19.00-20.00 Mr LoVERAve
Оld school goa intro. Bushava Azbuka со избор на музика која дури и да сте страствен колекционер на гоа транс тешко дека сте ја чуле. Избор на раритети во функција за супер старт на вечерта.
20.00 - 21.30 OMNIUM
Omnium е основан во 2016 година од Вицо, Бобо и Дезо од Скопје. По долгогодишно истражување и експериментирање со синтисајзери, аналогна и дигитална опрема и бескрајни студиски сесии, додека паралелно работеа на други музички проекти и живееја под ист покрив – постепено се изгради и се роди препознатливиот, уникатен звук на Omnium. Нивната музика претставува фузија од олд скул мелодичен psytrance и современ њу скул forest призвук кои создаваат динамична и енергична приказна. Omnium носи психоделично искуство кое подеднакво ги освојува искусните психонаути, како и оние кои штотуку зачекоруваат во светот на psytrance културата
https://stereohemia.bandcamp.com/
21.30-23.00 CELESTIAL INTELLIGENCE
Celestial Intelligence е моќен гоа-транс тандем од Куманово, Македонија, формиран во 2009 година од Бранислав Димковски (Kazak) и Далибор Анастасовски (Pajko). Од самиот почеток нивната визија е јасна: да ги преточат емоциите, животните искуства и чистата психоделична енергија во музика што го носи безвременскиот дух на old school гоа-трансот, обликуван преку нивен современ и препознатлив звук. Заедно ги споија своите влијанија во нешто ново — Celestial Intelligence, проект препознатлив по воздигнувачки мелодии, моќни бас линии, вртложни психоделични ефекти и карактеристични „небесни кулминации“ што создаваат морници на подиумот. Пробивот дојде со деби албумот „Perpetual Energy“ издаден за Suntrip Records, со кој цврсто се позиционираа како дел од новиот бран на гоа-транс сцената. Следеше „Incandescent“ (2019), внимателно изработено дело на кое работеа четири години, исполнето со слоеви трипи, емотивна енергија, утринска еуфорија и извиткани acid линии — звук што веднаш се препознава како нивен. Нивната музика често се опишува како мост меѓу класиката и сегашноста, со долги атмосферски пасажи, хипнотични ритми и мелодиско раскажување што го почитува наследството, но го турка жанрот напред. Настапувале на големи психоделични фестивали како Boom Festival, ZNA Gathering и Apsara Festival, носејќи силно мелодично искуство што ја подига публиката.
Она што ги издвојува не е само техничката прецизност, туку и намерата — да создадат музика исполнета со емоција, радост, психоделија и имагинација. Звук што води кон блаженство, лудило и трансценденција на подиумот. Со препознатлив стил и посветеност кон гоа-транс духот, нивниот момент е токму сега.
23.00-01.00 DJANTRIX
Првиот сериозен допир со музиката го има на десет години, момент по кој насоката станува јасна. Djantrix започнува како DJ на андерграунд журки и клубови, постепено изградувајќи се во препознатливо име на психоделичната сцена во Македонија. Наскоро желбата да создава сопствен звук го носи кон продукција и синтеза. Денес неговиот фокус е прецизен и зрел: интелигентен психоделичен израз со јасна структура и детално изработен звук. Во неговата продукција се спојуваат моќни, извиткани психо слоеви со чисти, утрински мелодии. Сериозен, квалитетен и внимателно обликуван психоделичен звук што гради напон и го носи слушателот подлабоко.
http://digitalomproductions.in/artists/djantrix
www.soundcloud.com/djantrix
https://www.facebook.com/DjDjantrix
01.00-02.00 SATTELITE + NAVIGATOR back to back (Digital Dance)
ИНФО ЗА БИЛЕТИ:
https://tix.mk/event/167/neon-bloom
Билети за првата вечер (20 март):
Во претпродажба во лимитиран број: 500 денари
На врата: 650 денари
Билети за втората вечер (21 март):
Во претпродажба во лимитиран број: 600 денари
На врата: 750 денари
Блок влезница за двете вечери: 1000 денари
Advertisement
Event Venue
Младински Културен Центар, Младински Културен центар, 1125 Скопје, Северна Македонија, Skopje, Macedonia, The Former Yugoslav Republic Of
Tickets
Concerts, fests, parties, meetups - all the happenings, one place.
