Advertisement
Ingvild Grane har i fleire år delt fargerik strikkeglede på Instakontoen @Skaperrom. Ho lagar eigne strikkeoppskrifter, og står bak fleire strikkebøker. Hausten 2024 er ho aktuell med boka Strikk vottar, med 30 fargerike votteoppskrifter til kvinner, menn og barn. Strikkarar kan delast opp i to grupper: dei som elskar å strikke vottar. Og dei som ikkje gjer det. Men om du er ein av dei som tenker at vottestrikk er for utdatert, er Ingvild Grane her for å motbevise det. Det blir vottestrikketips, triks for å strikke med restegarn, masse fargeinspirasjon og nye tankar om strikketradisjonar. Sjølvsagt kjem det til å bli vist massevis av vottestrikkebilder som kanskje gir deg inspirasjon til eigne vottar og strikkeprosjekt. Og sjølv om du kanskje ikkje er ein vottestrikkar når du går inn til foredraget, kan det hende du har skifta gruppe når du går derfrå.
Arrangementet er eit samarbeid mellom Skodje bibliotek, Skodje Frivilligsentral og Ørskog og Skodje Husflidslag.
Gratis og ope for alle!
Advertisement
Event Venue & Nearby Stays
Skodje bibliotek, Skodje, Aalesund, Norway
