Advertisement
Á Safnanótt munu gestir sem heimsækja Aðalstræti 10 og 16, hina sönnu sögumiðju Reykjavíkur, vera leiddir um ævintýralega og margslungna sögu Reykjavíkur allt frá því að landnámsfólkið dreif hingað að og til dagsins í dag. Ókeypis inn og öll velkomin.Leiðsögnin hefst á Landnámssýningunni en þar blasir við gestum rúst skála frá 10. öld sem fannst árið 2001. Svör við spurningum um hvernig Reykjavík leit út við landnám og hvað allt þetta fólk var að bardúsa hér fyrstu árhundruðin verða afhjúpuð auk fjölda annarra.
Í maí 2022 var sýningarsvæðið stækkað og teygir sýningin sig nú neðanjarðar frá Landnámssýningunni yfir í elsta hús Kvosarinnar, sem er Aðalstræti 10. Í nýja sýningarhlutanum, Reykjavík … sagan heldur áfram, fylgjum við þróun Reykjavíkur frá þorpi yfir í kaupstað, þaðan í höfuðstað og síðan Reykjavíkurbæ sem verður að Reykjavíkurborg – höfuðstað hins bjarta norðurs.
Hoppaðu um borð í tímavélina með okkur og við lofum því að þú verðir margs vísari um sögu Reykjavíkur.
Leiðsögnin fer fram á íslensku.
Aðgengi er gott í Aðalstræti. Athugið þó að það er fremur lítil lýsing inni í sýningarsal hjá skálarústinni og þar er gólfið ójafnt á köflum. Leiðsöguhundar eru velkomnir í safnið.
Strætisvagnar stoppa við Ráðhúsið (2 mín. gangur) og í Lækjargötu (5 mín. gangur).
///
Guided tour in Icelandic about the history of Reykjavík from the time of the settlement to this day.
Free admission and everyone is welcome!
Advertisement
Event Venue & Nearby Stays
Aðalstræti 16, 101 Reykjavík, Iceland, Aðalstræti 16, 101 Reykjavíkurborg, Ísland,Reykjavík, Iceland
