Name: Fræðsluröð ÖBÍ – Gervigreind í starfi félagasamtaka
Start: 2026-03-11T16:00:00+00:00
End: 2026-03-11T18:00:00+00:00
Location: Mannréttindahúsið

$Fr\u00e6\u00f0slur\u00f6\u00f0 \u00d6B\u00cd \u2013 Gervigreind \u00ed starfi f\u00e9lagasamtaka$

ÖBÍ réttindasamtök standa fyrir námskeiðinu Gervigreind í starfi félagasamtaka sem er hagnýtt og aðgengilegt námskeið fyrir þau sem vilja nýta sér nýjustu tækni til að efla starfsemi sína.
Á námskeiðinu er farið yfir hvernig gervigreind getur einfaldað vinnuferla, sparað tíma og aukið gæði í samskiptum, kynningu og skipulagi verkefna. Sérstök áhersla er lögð á raunhæf dæmi sem tengjast daglegu starfi félagasamtaka og hvernig hægt er að beita verkfærunum strax að loknu námskeiði.
Leiðbeinandi er Stefán Atli Rúnarsson viðskiptafræðingur sem býr yfir mikilli þekkingu á gervigreind sem hefur haldið fjölmörg námskeið fyrir fyrirtæki og félagasamtök um hagnýta notkun gervigreindartækni. Hann leggur áherslu á skýrar útskýringar, lifandi framsetningu og að þátttakendur öðlist sjálfstraust í notkun verkfæranna.
Námskeiðið skiptist í sjö meginkafla. Fyrst er farið yfir grunnatriði gervigreindar og hvernig tæknin virkar. Því næst er skoðað hvernig má nýta gervigreind til gagnaúrvinnslu og greiningar til að styðja við ákvarðanatöku. Þá er fjallað um skapandi skrif með gervigreind, svo sem gerð fréttabréfa, styrkumsókna og efnis fyrir samfélagsmiðla. Einnig er kynnt hvernig hægt er að skapa myndir með gervigreind fyrir kynningar og markaðsefni, ásamt lauslegri yfirferð um hvernig tæknin getur aðstoðað við forritun og sjálfvirknivæðingu einfaldra verkefna. Að lokum er komið inn á tónlistarsköpun með gervigreind og farið yfir siðferðileg álitamál, tækifæri og áskoranir sem fylgja notkun tækninnar.
Markmið námskeiðsins er að þátttakendur öðlist skýran skilning á möguleikum gervigreindar og geti nýtt hana á ábyrgan og markvissan hátt í þágu félagastarfs og í daglegu lífi.
Nauðsynlegt er að skrá sig hér:
https://www.obi.is/skraning-a-namskeid-gervigreind-i-starfi-felagasamtaka/
Vinsamlegast takið fram ef óskað er eftir táknmáls- eða rittúlkun.
Námskeiðið verður haldið í Mannréttindahúsinu Sigtúni 42, miðvikudaginn 11. mars kl. 16:00 -18:00.
ÖBÍ ber allan kostnað af námskeiðshaldinu.
Við hlökkum til að sjá ykkur!