Name: Fræðla um atferlisþjálfun og námskeið í hönnun umbunar- og táknkerfis
Start: 2025-10-12T09:30:00+00:00
End: 2025-10-12T15:30:00+00:00
Location: Mannréttindahúsið

$Fr\u00e6\u00f0la um atferlis\u00fej\u00e1lfun og n\u00e1mskei\u00f0 \u00ed h\u00f6nnun umbunar- og t\u00e1knkerfis$

Félag fósturforeldra kynnir nýja fræðslu og námskeið í samstarfi við þroskaþjálfann og klíníska atferlisfræðinginn Ölmu Dögg Guðmundsdóttir og með styrkfé frá Öryrkjabandalagi Íslands (ÖBÍ).
Um er að ræða tvískiptan viðburð yfir bróðurpart dags með hádegishléi og mat sem er innifalinn. Fyrri hluta dags verður áhersla lögð á fræðslu um áhrifaþætti hegðunar og mikilvæga þætti til að hafa í huga áður en foreldri ákveður að setja inn inngrip þar sem sérstakt tillit verður tekið til áfalla. Síðari hluti dags fjallar svo sérstaklega um leiðir til að styrkja jákvæða hegðun með sérstakri áherslu á umbunar- og táknkerfi. Þá munu þátttakendur fá rými til að hanna eigin kerfi undir handleiðslu leiðbeinanda. Þátttakendur skulu taka með sér tölvu eða stílabók og skriffæri til að vinna kerfi fyrir sig og sína.

Að þessu sinni mun viðburðurinn miða efnistök sín að þeim þroska sem ætla má að börn, upp að 12 ára aldri, hafi. Þátttakendur námskeiðsins geta þó metið hvort þau telji efnistök geta nýst þeim í fóstri eldri barna. Eingöngu verður pláss á námskeiðini fyrir fósturforeldra af 10-15 heimilum og eru makar því sérstaklega hvött til að skrá sig.

Dagskrá:
09:30-11:30: Fyrri hluti: Fræðsla um hegðun og inngrip
11:30-12:00: Spurningar og umræður um fyrri hluta
12:00-13:00: Matur
13:00-14:00: Síðari hluti: Fræðsla um umbunar- og táknkerfi
13:00-15:30: Þátttakendur þróa eigin kerfi við handleiðslu
Verð:
Þau sem skráð eru í Félag fósturforeldra og hafa greitt félagsgjald taka þátt á niðurgreiddu verði en þau sem eru utan félags greiða fullt gjald.
Félagsfólk - 5.000 kr
Utan félags - 15.000 kr
Skráning:
Félagsfólk getur fundið vísan í skráningu undir tickets hér á facebook viðburðinum eða fundið viðburðinn á heimasíðu okkar fostur.is þar sem vísað er á skráningarsíðu.
Ferðastyrkur:
Félagið býður einnig ferðastyrk fyrir félagsfólk sem þarf að ferðast meira en 150 km frá heimili sínu til að sækja námskeiðið.