Advertisement
Gloppen Musikkfest inviterer til forsommarkonsert på Lauget!Jorun Marie Kvernberg og Kristina Farstad Bjørdal har dei siste åra utvikla eit tett og spanande duosamarbeid, der folkemusikk og kunstmusikk møtest på ein måte som kjennest både sjølvsagt og overraskande. I samspel og arrangement spelar dei på kvarandre sine sterke sider: det rytmiske drivet, dei små nyansane og den munnlege tradisjonen frå folkemusikken, og det klanglege, dynamiske og virtuose frå kunstmusikken.
Jorun Marie Kvernberg er ein av dei mest markante folkemusikarane i landet, kjend både som felespelar, hardingfelespelar, songar og komponist. Ho har ei heilt eiga formidlingsevne og eit uttrykk som rommar både det rå, vare og det finurlege. Som komponist har ho markert seg sterkt, mellom anna med Edvardprisen..
Kristina Farstad Bjørdal er ein særs allsidig akkordeonist og trekkspelar, med bakgrunn frå både folkemusikk, improvisasjon, samtidsmusikk og klassisk musikk. Ho har ei sjeldan evne til å finne balansen mellom det kraftfulle og det lyttande, og tilfører samspelet både presisjon, varme og stor musikalsk energi. Bjørdal er òg ein viktig tradisjonsberar innan folkemusikken på trekkspel, og vart i 2021 tildelt Bolstadprisen for arbeidet sitt.
På konserten får publikum møte Jorun Marie Kvernberg sine eigne komposisjonar, mellom anna utdrag frå verket Insomnia, i tillegg til duoen sine eigne arrangement av folkemusikk. Her ligg både sterke forteljingar, drivande rytmikk, vakre melodilinjer og stor speleglede i botnen. Kanskje dukkar det også opp ein tango eller to.
Advertisement
Event Venue
Lauget, Grandavegen 28, 6823 Sandane,Sandane, Stryn, Norway
Tickets
Concerts, fests, parties, meetups - all the happenings, one place.
