Advertisement
Draumsöguhelgi – Nýp á Skarðsströnd helgina 8. – 10. maí 2026Leiðbeinendur - Elísabet Lorange og Valgerður H. Bjarnadóttir
Langar þig að kynnast draumunum þínum betur og læra að nýta þá sem brú milli svefns og vöku, milli dul- og meðvitundar?
Okkur dreymir öll og draumarnir geta verið bæði dásamlegir og ógnvekjandi, hversdagslegir og ævintýralegir. En við munum þá ekki alltaf og fæst okkar hafa lært að nýta þá sér til gleði og gagns.
Þetta námskeið felst í því að byggja upp og dýpka sambandið milli draum- og vökuvitundar, til aukinnar sjálfsþekkingar og lífsfyllingar. Það gerum við með fræðslu, umræðu, skrifum, íhugun, tjáningu og sköpun og þó ekki síst með því að vinna saman með drauma einstaklinganna í hópnum. Lögð er áhersla á að hvert og eitt öðlist getu til að nýta eigin drauma sér til gagns og gleði í hinu daglega lífi og að sterkari tengsl skapist á milli ólíkra vitundarstiga.
Nánari upplýsingar um verð og tilhögun á [email protected]
Leiðbeinendur
Elísabet Lorange er kennari og listmeðferðarfræðingur að mennt. Hún hefur unnið sem sjálfstætt starfandi listmeðferðarfræðingur sl. 20 ár. Hún hefur komið að meðferðarvinnu með hópum og einstaklingum á öllum aldri. Undanfarin ár hefur hún sérhæft sig í vinnu með fullorðnum og fósturfjölskyldum. Elísabet hefur í tugi ára unnið með sína eigin drauma sem og drauma þeirra sem það vilja og þurfa í listmeðferðinni.
Valgerður H. Bjarnadóttir er félagsráðgjafi, með BA í heildrænum fræðum með áherslu á draumavinnu og MA í femínískri trúarheimspeki og menningarsögu. Hún hefur starfað að málefnum kvenna, fræðslu og ráðgjöf í áratugi og hefur að baki fjölþætta reynslu af félagsmálum, stjórnmálum, heilbrigðismálum, menningar- og menntamálum og jafnréttismálum. Hún hefur nýtt og skoðað draumana sína frá barnsaldri og nýtir draumvitundina markvisst í öllu sínu starfi.
Advertisement
Event Venue
Nýp, Nýpur, Nýpur, 371 Dalabyggð, Ísland, Patreksfjörður, Iceland
Tickets
Concerts, fests, parties, meetups - all the happenings, one place.
