Advertisement
برنامج: "ننمو معاً"هو رحلة حقيقية مبنية على خبرتنا الشخصية علشان نفهم نفسنا أكتر… ونعيش بشكل أهدى وأوضح 🌱
للشباب/ات من سن :١٩ – ٣٠سنة
٨ ورش – نقدر نحضر البرنامج كامل كرحلة متكاملة أو نختار الورشة اللي تناسبنا
هتلاقي قيمة الاشتراك في الاستمارة إذا كنا حابين نختار ورش معينة أو نعيش خبرة متكاملة ونأخد البرنامج كله كرحلة.
📅 كل ورشة: ٣ أيام في الأسبوع (الخميس / الجمعة / السبت)
⏰ من ٥:٠٠ لـ ٩:٠٠ مساءً
📍 البداية: ١٦ أبريل
📍 المكان: مركز الجزويت الثقافي – إسكندرية
هنشتغل سوا على:
• أنا مين بجد؟
• بفهم نفسي ومشاعري إزاي
• إزاي أحب نفسي زي ما هي؟
• علاقاتي ماشية صح ولا لأ
• بحط حدود… ولا بسيب كل حاجة تعدّي؟
• إزاي أخد قرار
الورش هتكون كالتالي بالترتيب:
الورشة الأولى ( ١٦ – ١٧ – ١٨ أبريل)
حقيقتك إيه؟ يعني: أنا مين؟ إزاي بعيش مع نفسي؟ هنكتشف فيها نفسنا، قيمنا، التوقعات الإجتماعية اللي على كتافنا؟ نقاط قوتنا والتحديات اللي بنواجها.
الورشة الثانية( ٢٣- ٢٤ – ٢٥ أبريل)
سيب إحساسك يتكلم. يعني : إزاي نفهم مشاعرنا ونتواصل معاها؟ يعني إيه ذكاء عاطفي؟ الفرق بين المشاعر والتصرفات؟ مشاعرنا المكبوته إيه ونعبر عنها إزاي؟
الورشة الثالثة ( ٣٠ أبريل – ١ – ٢ مايو)
افهمني صح! يعني: إزاي نقول اللي احنا عايزينه بوضوح واحترام؟ احنا بنسمع ولا بنصغي؟ إزاي نعبر؟
الورشة الرابعة( ٧ – ٨ – ٩ مايو )
مشغول… ولا تايه؟ يعني: إزاي نعيش بدون ما نستهلك وقت وخلاص؟ يعني إيه لصوص الوقت ومين هما لكلّ واحد فينا؟ بنعمل اللي لازم نعمله في الوقت المناسب ولا بنأجل؟
الورشة الخامسة ( ١٤ – ١٥ – ١٦ مايو)
حب واعي… مش وجع قلب. يعني إزاي أحب من ما أضيع؟ يعني إيه علاقات صحيّة وعلاقات سامة؟ حب ولا صداقة ولا تعلق؟ إزاي نعمل حدود في العلاقات؟
الورشة السادسة( ٢١ – ٢٢ – ٢٣ مايو)
إزاي أعيش بسلام داخلي وسط الضغوط يعني إزاي نعيش بسلام داخلي وسط الضغوط؟ هنتعلم إيه هي مصادر الضغط في حياتنا؟ إزاي نتجنب المقارنات؟ يعني إيه مرونة نفسية؟ وهنتعلم إستراتيجيات تهدئة النفس وقت الضغوط.
الورشة السابعة( ٤ – ٥ – ٦ يونيو )
محتار؟ ولا خايف؟ هنا هنوصل لمرحلة مهمة في الرحلة: إزاي نختار من غير خوف؟ المسؤولية وإتخاذ قرار وإزاي نواجه الخوف والقلق من كلّ قرار مهم في حياتنا؟ إزاي نفهم أن الفشل جزء أساسي من التعلم وطريق للنجاح وممكن نحتفل بفشلنا؟
الورشة الختامية ( ١١- ١٢ -١٣ يونيو)
أية خطوتك الجاية؟ هنا وصلنا لختام الرحلة، بقيينا خطوة أقرب لنفسنا، يعني واعين أكتر لنفسنا ولعلاقاتنا وللي حوالينا: هنقف سوا ونشوف إزاي كنا بننمو خلال الورش اللي فاتت وناخد خطوات عملية لقدام.
مفيش كلام نظري خالص… دي هتكون تجربة مبنية على اللي كل واحد فينا بيعيشه.
هنبص لنفسنا بشكل مختلف 💡هنلعب - نرسم - نلون - نفكر - نشارك ونخطط وكمان هنقرر.
كمان فرصة حلوة اوي لو اشتركتنا في البرنامج كله:
١. هنأخد شهادة بالمشاركة في البرنامج من المركز. 😊
٢. لو حضرنا ال ٨ ورش كاملين بدون غياب أو اعتذار هناخد خطاب توصية من المركز. 😉
مش بس كده لا......
٣. لو شاركنا في البرنامج كله وحبينا نقدم في برنامج التطوع في المركز ( ٢٠٢٦-٢٠٢٧) هتكون فرصتنا أكبر في القبول إذا أنطبقت علينا باقي شروط التطوع طبعاً.
إزاي ممكن نشارك في الرحلة دي؟
أولاً: هنملى الإستمارة. ( قيمة الأشتراك في كامل البرنامج أو في ورش متفرقة هنلاقيها في الإستمارة)
ثانياً: هننتظر إيميل على الايميل اللي سجلناه في الإستمارة علشان كده لازم نتأكد أننا كاتبين إيملاتنا صح.
ثالثاً: أول ما يوصلنا الإيميل هندفعوا الاشتراك المطلوب مننا (هنقولكم أمتى وإزاي في الإيميل.)
بس كده بسيطه أهو... منتظرينكم وبنشجعكم تشاركوا في كلّ البرنامج علشان تأخدوا أقصى استفادة من الرحلة كلها.
رابط التسجيل :
https://forms.gle/uXx7dsoZ5cgWZdcUA
Advertisement
Event Venue
298 Port Said Street, Cleopatra, Alexandria, Egypt, 33612
Tickets
Concerts, fests, parties, meetups - all the happenings, one place.
