Name: Útgáfutónleikar í Mengi: Cauda Collective // Solastalgia
Start: 2026-03-06T20:00:00+00:00
Location: Mengi

$\u00datg\u00e1fut\u00f3nleikar \u00ed Mengi: Cauda Collective \/\/ Solastalgia$

Friday, March 6th
CAUDA COLLECTIVE: ÚTGAFUTÓNLEIKAR
doors 19:30 / show 20:00
2500kr / 2000kr students / pay what u can
Föstudaginn 6. mars kl. 20 fagnar kammerhópurinn Cauda Collective útgáfu nýrrar hljómplötu með útgáfutónleikum í Mengi.
Platan, sem er önnur breiðskífa Caudu Collective, inniheldur fjögur tónverk sem samin voru fyrir hópinn á árunum 2023-2025; þ.e. strengjatríóið Þrenning: solastalgia eftir Svein Lúðvík Björnsson, Ég fann rödd - vókalísa eftir Sigrúnu Jónsdóttur og Sjö hvísl sálarinnar eftir Hauk Gröndal fyrir sópran og strengjatríó; og Kona lítur við eftir Eygló Höskuldsdóttur Viborg við texta Brynju Hjálmsdóttur fyrir sópran og selló.
Platan heitir Solastalgia eftir einu verki plötunnar, þ.e. strengjatríóinu Þrenning með undirtilinn Solastalgia. Orðið solatalgia er nýyrði myndað af samsetningu latneska orðsins sōlācium sem merkir þægindi, og grísku rótarinnar algia sem merkir sársauki, þjáning, eða sorg. Orðið Solastalgia lýsir því tilfinningalegri eða tilvistarlegri vanlíðan af völdum umhverfisbreytinga.
Flytjendur eru Björk Níelsdóttir sópran, Sigrún Harðardóttir á fiðlu, Þóra Margrét Sveinsdóttir á víólu og Þórdís Gerður Jónsdóttir á selló. Tónmeistari er Þorgrímur Þorsteinsson.