Name: Ösp er æðisleg - Bökuð: Samtal í Mengi
Start: 2026-05-08T11:00:00+00:00
End: 2026-05-08T13:00:00+00:00
Location: Mengi

$\u00d6sp er \u00e6\u00f0isleg - B\u00f6ku\u00f0: Samtal \u00ed Mengi$

NÁTTÚRULEIKMYND
Ösp er æðisleg - Bökuð
Samtal í MENGI, Óðinsgötu 2
Föstudaginn 8. maí kl 11 – 13
Samtal um íslenska ösp og möguleika á nýtingu hennar og íslensks timburs við gerð húsgagna og bygginga.
HAKK Gallery ásamt Skógræktarfélagi Reykjavíkur boða til samtals í MENGI um íslenska ösp sem efnivið í húsgögn og framtíðarmöguleika á nýtingu íslensks timburs fyrir hönnuði og arkitekta. Við gerð sýningarinnar Náttúruleikmynd eftir Studio Brynjar&Veronika í HAKK gallery voru gerðar tilraunir með hitameðhöndlun aspar sem skiluðu góðum árangri.
Teitur Björgvinsson frá Skógræktarfélagi Reykjavíkur heldur stutta kynningu á viðarvinnslunni í Heiðmörk og fjallar um öspina í víðu samhengi. Gústav Jóhannsson húsgagnasmiður og Brynjar Sigurðarson hönnuður segja frá ferlinu við gerð húsgagnanna í sýningunni og tilraunum með hitameðhöndlaðan við.
Í lokin verður opið samtal og loks rölt yfir í HAKK gallery yfir götuna þar sem hægt verður að skoða sýninguna og njóta léttra veitinga.
—
Alaskaösp er aðal efniviðurinn í verkum sýningarinnar Náttúruleikmynd í HAKK gallery. Hún er ein hraðvaxnasta trjátegund landsins og mikið nýtt í skógrækt. Öspin hefur fengið á sig slæmt orð í húsagörðum vegna hins sterka rótarkerfis sem oft er til vandræða en úti í náttúrunni dafnar hún vel og er ef til vill sú viðartegund sem býður upp á hvað fjölbreyttasta nýtingarmöguleika. Í Náttúruleikmynd fær öspin að njóta sín sem góður og nothæfur viður og fær með því ákveðna uppreisn æru.
Asparviðurinn í húsgögnunum á sýningunni er hitameðhöndlaður, en það er aðferð sem á rætur að rekja langt aftur í aldir þegar viður var kolaður til að verja hann fúa. Síðustu áratugi hefur hitameðhöndlun þróast áfram sem nútímaleg og umhverfisvæn aðferð til að auka styrk og endingu timburs án meðhöndlunar með mengandi eða óumhverfisvænum efnum.
Fyrir sýninguna voru tilraunir gerðar með hitameðhöndlun á ýmsum viðartegundum frá Skógræktarfélag Reykjavíkur í nánu samstarfi við Gústav Jóhannsson húsgagnasmið. Tilraunirnar hafa tekist vel og þrátt fyrir að vera á byrjunarstigi benda þær til þess að íslenskan við megi styrkja með þessari aðferð og nota við smíði húsgagna og innréttinga, og sem almennt byggingarefni.