Advertisement
Landssamband ungmennafélaga (LUF) í samstarfi við Samband íslenskra framhaldsskólanema (SÍF) og aðildarfélög sín, bjóða til kosningafundar ungs fólks með forystufólki stjórnmálaflokkanna og ungliðahreyfinga þeirra.Fundurinn fer fram undir yfirskriftinni „#ÉgKýs hagsmuni ungs fólks“ og er ætlað að vera helsti vettvangur ungs fólks til að kynna sér stefnumál flokkanna og afstöðu frambjóðenda til áherslumála yngri kynslóða. Fundurinn verður haldinn í Sjálfsstæðissalnum við Austurvöll og hefst kl. 14:00 þann 16. nóvember.
Með kosningafundinum verður lýðræðisherferðinni og átaksverkefninu #ÉgKýs ýtt úr vör í aðdraganda skuggakosninga sem fram fara í öllum framhaldsskólum landsins þann 21. nóvember og alþingiskosninga þann 30. nóvember. Markmið #ÉgKýs verkefnisins er að efla lýðræðisvitund og hvetja ungt fólk til að kjósa eftir upplýstri ákvörðun í von um að kosningaþátttaka ungs fólks aukist. Kosningafundurinn er ein aðgerð af mörgum sem miðar að markmiðinu og er því liður í #ÉgKýs.
Fundarstjóri: Kristín Ólafsdóttir, fréttakona.
Í pallborði sitja eftirfarandi:
Forystufólk stjórnmálaflokkanna:
- Arnar Þór Jónsson, formaður Lýðræðisflokksins
- Bjarni Benediktsson, formaður Sjálfstæðisflokksins
- Inga Sæland, formaður Flokks fólksins
- Kristrún Frostadóttir, formaður Samfylkingarinnar
- Sanna Magdalena Mörtudóttir, formaður Sósíalistaflokks Íslands
- Sigmundur Davíð Gunnlaugsson, formaður Miðflokksins (óstaðfest)
- Sigurður Ingi Jóhannsson, formaður Framsóknarflokksins
- Svandís Svavarsdóttir, formaður Vinstri grænna
- Þorgerður Katrín Gunnarsdóttir, formaður Viðreisnar
- Þórhildur Sunna Ævarsdóttir, þingflokksformaður Pírata
Forystufólk ungliðahreyfinganna:
- Gabríel Ingimarsson, forseti Uppreisnar
- Gunnar Ásgrímsson, forseti Sambands ungra framsóknarmanna
- Jósúa Gabríel Davíðsson, forseti Ungra vinstri grænna
- Karl Héðinn Kristjánsson, forseti Roða - ungra sósíalista
- Lenya Rún Taha Karim, forseti Ungra Pírata
- Lilja Hrönn Önnudóttir Hrannarsdóttir, forseti Ungs jafnaðarfólks
- Viktor Pétur Finnsson, formaður Sambands ungra sjálfstæðismanna
Ungt fólk - fjölmennum og sýnum með því að málefni okkar eiga og verða að vera í forgrunni!
Frekari upplýsingar um fundinn veita Tinna Isebarn framkvæmdastjóri LUF ([email protected], s: 661-3634) og Eva Brá Önnudóttir varaforseti LUF ([email protected], s: 616-7468).
Lýðræðisverkefnið og upplýsingaherferðin #ÉgKýs er fjárstyrkt af forsætisráðuneytinu, mennta- og barnamálaráðuneytinu og Sambandi íslenskra sveitarfélaga.
Advertisement
Event Venue & Nearby Stays
Thorvaldsensstræti 2, 101 Reykjavíkurborg, Ísland, Thorvaldsensstræti 2, 101 Reykjavíkurborg, Ísland,Reykjavík, Iceland
