Advertisement
✅«Երևանի կանայք. ժամանակի դիմագծեր» խորագրով լուսանկարների ցուցահանդեսը Երևանի պատմության թանգարանի նախաձեռնությունն է՝ նվիրված կանանց տոների մեկամսյակին։ Այն նպատակ ունի արժևորելու երևանցի կնոջ դերը քաղաքի պատմության, մշակույթի, կրթական ու հասարակական կյանքի ձևավորման և զարգացման գործընթացում՝ ներկայացնելով նրա կերպարը ժամանակի մեջ։
➡️ Ցուցադրության հիմքում Երևանի պատմության թանգարանի հարուստ հավաքածուից ընտրված լուսանկարներն են, որոնք ընդգրկում են 19-րդ դարից մինչև մեր օրերը։ Այս վավերագրական պատկերները ներկայացնում են տարբեր սոցիալական շերտերի կանանց՝ մտավորականների, արվեստագետների, արտադրությունում աշխատողների:
Լուսանկարներում ավանդական տարազով հայ կանայք են ազգային ինքնության կրողները, ինչպես նաև ընդգծված է հայ մոր կերպարը, որպես օջախի պահապան:
➡️ Խորհրդային շրջանի լուսանկարները ներկայացնում են կրթված, մասնագիտացված կնոջ կերպարը, ով արդեն լիիրավ մասնակցում է քաղաքի տնտեսական ու մշակութային զարգացմանը։
🔹Ցուցահանդեսում ներկայացված է նաև Գրականության և արվեստի թանգարանի հավավաքածուից բացառիկ լուսանկարներ, ժամանակակից լուսանկարիչներ Էմմա Մարաշլյանի, Սերժ Դավիդովի (Երևան-Երևանցիներ հարթակ), և կոլեկցիոներ Ռոբերտ Հակոբյանի աշխատանքները:
🔹Ցուցահանդեսում առանձնահատուկ տեղ են զբաղեցնում նաև «Հայ լուսանկարիչներ» ազգային ասոցիացիայի անդամների ժամանակակից աշխատանքները։ Նրանց ստեղծագործություններում երիտասարդ կանանց կերպարները ներկայացված են Երևանի քաղաքային միջավայրի համատեքստում՝ պատմական շենքերի ֆոնին, բակերում, փողոցներում, մշակութային օջախներում և այլ հանրային տարածքներում։ Քաղաքն այստեղ դառնում է ոչ միայն միջավայր, այլև ակտիվ դերակատար՝ ձևավորելով կերպարի տրամադրությունը, հոգեբանական խորությունը և պատմողականությունը։
📸 Լուսանկարիչների տեսախցկներից երևանցի կինը ներկայանում է որպես ժամանակակից, ինքնավստահ և ստեղծարար անհատ:
🎞️ «Երևանի կանայք. ժամանակի դիմագծեր» ցուցահանդեսը միաժամանակ հիշողության վերարժևորում է և ներկայի վերաիմաստավորում:
Այս ցուցահանդեսը հարգանքի տուրք է երևանցի կնոջ ուժին, նրբությանը, ստեղծարար մտքին և պատասխանատվությանը։ Այն մի հարթակ է, որտեղ անցյալն ու ներկան հանդիպում են՝ ներկայացնելով կնոջ կերպարը որպես ժամանակի հայելի և քաղաքի կենդանի հիշողություն։
📆 Ցուցահանդեսը կգործի մինչև ապրիլի 7-ը 2026թ.
🎫Մուտքը թանգարանային տոմսով:
Advertisement
Event Venue
1/1 Argishti, Ереван, Армения, Yerevan, Armenia
Tickets
Concerts, fests, parties, meetups - all the happenings, one place.
