Advertisement
✔️1-2 მაისს ანზორ ერქომაიშვილის სახელობის საქართველოს ფოლკლორის სახელმწიფო ცენტრში ეთნომუსიკოლოგთა შემოქმედებით ჯგუფ „ნანინას“ ორგანიზებითა და თბილისის მუნიციპალიტეტის მერიის ფინანსური მხარდაჭერით ქართველ ქალთა ტრადიციული მუსიკის მესამე ფესტივალი „ნანინა - 2025“ გაიმართება.✔️ფესტივალის მიზანია ქალთა ტრადიციული მუსიკის ცნობადობის ამაღლება და პოპულარიზება, საქართველოს სხვადასხვა კუთხეში შემორჩენილი ტრადიციების გამომზეურება, ქალთა რეპერტუარის ჟანრთა მულტიდისციპლინური კვლევის შედეგების დემონსტრირება.
✔️მესამე ფესტივალის თემაა „ქალთა შრომა - ტრადიცია, წეს-ჩვეულებები, მუსიკა“.
✔️ფესტივალი ოთხსეგმენტიანი იქნება და მოიცავს:
📌მულტიდისციპლინურ სამეცნიერო კონფერენციას, რომელშიც ეთნომუსიკოლოგები, ეთნოლოგები, ზეპირსიტყვიერებისა და გამოყენებითი ხელოვნების მკვლევრები, ქორეოლოგები, წარმოადგენენ ქართველ ქალთა შრომითი საქმიანობის სხვადასხვა სფეროს კვლევის შედეგებს სამეცნიერო ნაშრომების სახით.
📌საქართველოს სხვადასხვა კუთხეში შემორჩენილი ქალთა შრომის ნაირგვარ პროცესებთან დაკავშირებული ფოლკლორულ-ეთნოგრაფიული და მუსიკალური მასალის პრეზენტაციას ვიდეორგოლების სახით, რომლებსაც მოამზადებენ საქართველოს სხვადასხვა კუთხის ქალთა ანსამბლები.
📌ფოლკლორულ კონცერტებს საქართველოს მასშტაბით არსებული ქალთა ანსამბლების მონაწილეობით, რომელთა მიერ ცოცხლად შესრულდება შესაბამისი თემატიკის სასიმღერო/საფერხულო ნიმუშები.
📌საქართველოს სხვადასხვა კუთხის ქალთა საქმიანობის ამსახველი ფოტომასალისა და ხელსაქმის ნიმუშების გამოფენას.
✔️ფესტივალის იდეის ავტორი და ინიციატორია ჯგუფ „ნანინას“ წევრი, ეთნომუსიკოლოგი მაია გელაშვილი. ორგანიზატორი და განმახორციელებელი: ეთნომუსიკოლოგთა შემოქმედებითი ჯგუფი „ნანინა“.
✔️ფესტივალის მხარდამჭერები: ფოლკლორის სახელმწიფო ცენტრი, საქველმოქმედო ფონდი „ქართული გალობა“, მეღვინეობა „შილდა“.
🕓ფესტივალის სამეცნიერო ნაწილი დაიწყება 10:00 საათზე.
🕓ფესტივალის საკონცერტო ნაწილი დაიწყება 18:00 საათზე.
Advertisement
Event Venue & Nearby Stays
ფოლკლორის ცენტრი • Folklore Centre, დავით აღმაშენებლის გამზირი 65, თბილისი, საქართველო, Tbilisi, Georgia
