Name: Vorhreingerning með KonMari aðferðinni
Start: 2026-04-22T18:00:00+00:00
End: 2026-04-22T19:00:00+00:00
Location: Garðatorg 7, 210 Garðabær, Iceland

$Vorhreingerning me\u00f0 KonMari a\u00f0fer\u00f0inni$

Vorhreingerning með KonMari aðferðinni
Viltu einfalda lífið og gera vorhreingerningu? Eru fataskáparnir fullir af fötum sem þú notar lítið? Finnst þér þú eiga allt of mikið dót? KonMari aðferðin getur hjálpað þér að gera breytingar og taka til og hreinsa út fyrir sumarið.
Lísa Z. Valdimarsdóttir alþjóðlegur KonMari ráðgjafi og eigandi Skipulagsgleðinnar segir frá aðferðinni sem er nefnd eftir japanska tiltektargúrúnum Marie Kondo en aðferð hennar rutti sér til rúms fyrir nokkrum árum síðan.
Farið verður yfir grunnhugmyndina að baki aðferðinni þar sem gleðin er í fyrirrúmi og fjallað um aðferðir við tiltekt, skipulag og hvernig við getum losað okkur við fatnað og annað með jákvæðni og sjálfbærni í huga. Rætt verður hvernig við getum nýtt aðferðina á heimilinu og lífinu og sýnt hvernig föt eru brotin saman með aðferðinni. Þau sem koma eru hvött til að koma með fatnað og læra fatabrotið.
Frítt inn og heitt á könnunni.
Þessi viðburður er hluti af Viku 17, sem er alþjóðleg vika heimsmarkmiðanna á bókasöfnum, en hún fer fram í 17. viku ársins. Í tilefni vikunnar verða viðburðir tengdir heimsmarkmiðunum á bæði Bókasafni Garðabæjar og á bókasöfnum vítt og breitt um landið.
Alla vikuna verður boðið uppá barnabókaskiptimarkaður, plokkstangir til leigu, plokkbingó spjöld til þess að taka með sér ásamt öðru.
Dagskrá:
Miðvikudagurinn 22. apríl kl. 18-19. Vorhreingerning með KonMarie aðferðinni KonMarie aðferðin með Lísu Z. Valdimarsdóttur alþjóðlegum KonMari ráðgjafa og eiganda Skipulagsgleðinnar.
Föstudagurinn 24. apríl kl. 18-19. Bókmenntagangan: Saga og raddir kvenna með verðlaunarithöfundinum Arndísi Þórarinsdóttur (Morð og messufall, Sólgos, Kollhnís ásamt fleirum). Gangan byrjar og endar á Bókasafni Garðabæjar og boðið verður uppá léttar veitingar að göngu lokinni.
Laugardagurinn 25. apríl kl. 11-13. Diskó friskó og hjólastuð. Diskósúpuveisla að hætti Slow Food á Íslandi og Dr. Bæk býður uppá ástandskoðun hjólhesta fyrir bæði börn og fullorðna.