Advertisement
Þann 8. september verða liðin 5 ár frá því að frumburðurinn minn, hann Stefán Svan, lést tæplega fjögurra mánaða gamall. Í minningu hans ætla ég að halda tónleika sem verða til styrktar Einstökum börnum. Hann Stefán Svan minn tilheyrði Einstökum börnum allt sitt líf en hann var einn afar fárra sem hafa greinst með heilkennið Cornelia de Lange syndrome hér á landi.
Einstök börn hafa stutt við bakið á mér og mörgum öðrum fjölskyldum barna með sjaldgæf heilkenni og greiningar við ýmislegt sem fylgir því að eiga einstakt barn. Eins hef ég reynt að leggja mitt af mörkum til að gefa af mér tilbaka og kynna félagið með því að segja sögu okkar Stefáns Svans ásamt því að aðstoða á annan hátt. Sú upphæð sem safnast við sölu aðgangsmiða á tónleikana mun því renna óskert til Einstakra barna í minningu Stefáns Svans.
Á tónleikunum koma fram söngvinir mínir úr ýmsum áttum, tónlistarmenn sem hjálpuðu mér að gera kveðjustund Stefáns Svans ógleymanlega og ég ber sterkar taugar til en eiga það öll sammerkt að gefa vinnu sína í þágu þessa góða málefnis.
Fram koma:
Páll Óskar
Ragnheiður Gröndal
Hallveig Rúnarsdóttir
Ylfa og Hallur Flosabörn
Tindatríó
Rakel Páls
Viðar Guðmundsson
Mótettukórinn
Ásta Marý Stefánsdóttir
Kynnir kvöldsins verður Ingvar Örn Ákason vinur minn en hann ætlar að sjá til þess að halda uppi fjörinu á milli atriða.
Ef þið viljið tryggja ykkur miða þá opnar miðasalan þann 1. september inná vefverslun Einstakra barna;
https://www.einstokborn.is/is/vefverslun
Advertisement
Event Venue & Nearby Stays
Akraneskirkja, Skólabraut 15, 300 Akraneskaupstaður, Ísland, Reykjavík, Iceland
