Advertisement
Velkomen til ein kveld med mykje humor og latter!Vi får nemleg besøk av folk og figurar som kan underhalde på rett.
Arild Riise treng neppe noko grundig introduksjon; journalist, programleiar i NRK, og nyheitsanker i TV2 sidan 2010. Forfattar av fire bøker, og ein dokumentarfilm som handla om skredulukka i 1968 på Riise i Sæbø.
Arild Riise kan meir enn å formidle viktige nyhende, han kan også lyge og fortelje gode historier! Tulljfliren har vore arrangert ein gong tidlegare på Storfjord Kultuhus, også då med Arild Riise som hovudgjest. Den gongen var det stappfullt hus, og så mykje tullj og fliring at det er ingen som hugsar kva årstal dette skjedde!
Som om ikkje dette var nok så får vi også besøk av eit ganske så toppa lag frå Sykkylven!
Stand Up Påskeferga med Grete Helen Tynes, Erlend Lunde og Geir Kvalvåg har hatt ein lengre men velfortent ferie frå scenekanten, men no er dei klare for Stranda! Denne gjengen har drege fulle hus i mange år med Stand Up, revy og galskap.
Ombord i Påskeferga finn vi denne trioen:
Grete Helen Tynes:
Med humor og glimt i auget får publikum ta del i eit forrykande show, med spenstige kommentarar og sleivspar frå “Emma”, sannsynlegvis også retta mot styresmaktene i Stranda kommune…
Erlend Lunde:
Lunde jobbar både som prest, fengselsprest og døveprest i Møre og Romsdal, og med dette i bagasjen har han teke sitt publikum med overraskande galskap og med lupa på daglegdagse hendingar. Vi garanterar at Erlend ikkje vil snakke for «Døve øyrer» denne kvelden, men heller fengsle oss med sin humor!
Geir Kvalvåg:
Frå scena er han kjend med sin figur, orginalen Bertram Welle Dahl. Heilt fra revyscena tidlleg på 80 talet, fram til i dag. Med sin trufaste ven sykkelen, og sin underfundige galskaphumor, er det berre å gle seg!
Dette vert ein kveld med historier, skrøner, parodiar, tull og tøys!
Skal du vere med oss på Tulljfliren denne kvelden bør du sikre deg billett i tide, og før sykkylvingane kjem springande over fjellet:)
Advertisement
Event Venue & Nearby Stays
Øyna 1, 6200 Stranda, Norway, Øyna 1, 6200 Stranda, Norge, Stryn, Norway
Tickets
Concerts, fests, parties, meetups - all the happenings, one place.
