Advertisement
Er du klar for ein kveld fylt med latter, tårer og uforgløymelege augeblikk? Då må du ikkje gå glipp av «Lilli Valentin»!Teater Ibsen fyller 50 år og feirar saman med oss! Etter 22 utselde framsyningar i Skien, får vi endeleg gleda av å få Lilli Valentin på besøk.
«Lilli Valentin» er ei rørande og morosam framsyning som tek deg med på ei reise gjennom livets opp- og nedturar. Med ei unik blanding av komedie og drama, vil denne framsyninga få deg til å le høgt, gråte litt og tenkje mykje.
Følg Lilli, ei sterk og sjarmerande kvinne, som manøvrerer seg gjennom livets utfordringar med mot, visdom og ein god dose humor. Historia hennar er både spesiell og allmenn – ho treff rett i hjartet. Vi blir med Lilli når ho tek eit oppgjer med livet ho står midt i, og for første gong på lenge tør ho å vere ærleg med seg sjølv – og alle ho bryr seg om. Ein type ærlegdom (og kjærleik) som frigjer henne, og gjer at ho finn vegen tilbake til den ho har sakna mest – seg sjølv.
«Lilli Valentin», den middelaldrande kvinna, kjenner seg fanga i eit monotont liv. Ho snakkar med kjøkenveggen og dagdrøymer om fridom og eventyr. Når sjansen til å reise til Hellas dukkar opp, grip ho ho – og legg ut på ei reise som skal forandre livet hennar for alltid. Vil ho finne tilbake til den kvinna ho ein gong var, eller er det for seint å starte på nytt?
Denne framsyninga byr på ei intim teateroppleving der Lena Barth Aarstad gjer deg kjend med Lilli og hennar verd. Gå ikkje glipp av ein liten tur til Hellas i løpet av hausten!
På scena
Lena Barth Aarstad
Team
Av: Willy Russell
Omsetjing: Lena Barth Aarstad
Med: Lena Barth Aarstad
Regi: Arvid Ones
Scenografi: Nora Furuholmen
Inspisient: Kristin Eide
Dramaturg: Åste Marie Bjerke
Spelsetid: 1 t 50 min inkl. 20 min pause
Advertisement
Event Venue & Nearby Stays
Nyveg 16, 3840 Seljord, Norway, Nyveg 16, 3840 Seljord, Norge, Notodden, Norway
Tickets
