Advertisement
Tui noa, Tui noaNgā maunga whakahī, ko te riu o te whenua ki a koutou ka ngaro i te ao
Ngā manu whititua kua unuhia i roto i ngā iwi
Ngā Pou Tokomanawa o Ngā Whare Maire o o tātau mātua tīpuna
Ngā Māreikura, Ngā Whatukura, Te Puaotanga o te ata huaki rangi
I huakina mai ai ngā tatau maha o Tikitiki-ō-rangi
I unuhia koutou e te hunga mate e te tapu o tuawhakarere
Nōreira te tai e pari rā, ketekete mai, ketekete atu
Te tai e pari ana ki hea, te tai e pari ana ki te hau pūranga o te kauheke kaumātua
He atua, he tipua
E pari ana te tai ki tawhit nui, ki tawhiti roa, ki tawhiti pamamao
Ki te hūnanga mai o te tangata hokinga kore ki muri
Tihei Mauri Ora ki te whai ao, ki te ao mārama.
E rau rangatira mā, koia tēnei ko te reo karanga o Tamakaimoana ki ngā Iwi o te Motu, kia tae-ā-tinana mai ki te rā whakatuwhera i tō mātau Whare Hou ki te Pā o Tuapo.
Hei te 18 o Paengawhāwhā 2026.
Hei roto i te wiki e kainamu mai nei, ka puta ko ngā pānui whakamōhio i ngā whakarite mō te rā.
Ngā Whakarite:
4am: Tā i te Kawa
5am: Ngā Mihimihi
6am: Parakuihi
10am: Pōhiri ki Ngā Iwi o te Motu
12pm: Karakia o te Hāpati
1pm: Tree Planting Ceremony
1:30pm: Hākari
(Itinerary still in draft and subject to change)
Mehemea he pātai a koutou, whakapā atu ki a Nika Rua
[email protected]
022 654 9507
Mā te Messenger rānei.
Noho ora mai tātau i roto i ngā manaakitanga o te waahi ngaro.
Advertisement
Event Venue
1187D Matahi Valley Road, Matahi, Waimana, 1179 Matahi Valley Rd, Matahi, Nukuhou 3196, New Zealand, Whakatane
Tickets
Concerts, fests, parties, meetups - all the happenings, one place.
